SALMOS 30:11 - Dios Rimashcata Quillcashcami11 Ñuca llaquitaca cushicushpa danzanatami ruhuashcangui. Llaquipi sharpa churanata llucchichishpami, cushipi churarinata churachishcangui. Gade chapit la |
Sión llactapi llaquilla causaccuna uchupahuan cahuirishca canapac randica, corona churashca cachun, llaquilla canapac randica, cushicuihuan cachun, shungupi llaquilla canapac randica, jahualla churanata churaric shina, cushilla cachunmi huillac cacharca. Paicunaca Mandac Dios sumaimana cashcata ricuchingapacmi, pai tarpushca encina yura shina cangacuna.
“Ñucanchicman ima llaqui shamucpi, mana cashpaca espadahuan llaquichingapac shamucpi, ima ungüi japicpi, yarcai japicpica, cambac shuti cai huasipi causacushcamantami cambac ñaupaman shamushpa, cai huasipi canta mañashun. Shina sinchita mañacpica, ñucanchic mañashcata uyashpami, jatun llaquimanta llucchishpa, ayudangui” nircami.
Chai punzhacunapimi Judá gentecunaca paicunata piñaccunamanta quishpirishpa samarirca. Chai quillapimi llaquilla caccunaca cushilla tucurca. Huacaihuan caccunaca cushicushpa fiestata ruhuarca. Chai punzhata yuyarishpa jatun micuita ruhuashpa cushicuchun, ladollapi causaccunaman, imata mana chariccunaman ima charishcacunata caranacuchunmi mandashpa cacharca.
Chai quipa paicunataca: «Cai punzhaca ñucanchic jatun Diospac chicanyachishca punzhami. Chaimanta alli micunacunata micuichic, mishqui vinotapish ubiaichic. Ima micunata mana chariccunaman micunata cachaichic. Mana llaquirinachu canguichic. Ashtahuanpish Mandac Diosmi cushichishpa sinchiyachin» nirca.