SALMOS 30:1 - Dios Rimashcata Quillcashcami

¹ Mandac Dioslla, ñucata cacharichishcamantami alli nishpa cantani. Ñucata piñaccuna cushicuchunpish mana saquircanguichu.

SALMOS 30:1 Referans Kwoze

SALMOS 25:2

¡Ñuca Dioslla, canpimi shunguta churani! Ama pingaichichun saquinguichu. Ñucata piñaccuna cushicuchunca ama saquinguichu.

SALMOS 35:19

Ñucahuan yanga piñariccunaca amatac cushicuchuncuna. Yanga mana ricunayachiccunapish ama ñahuita quimllachun.

DANIEL 4:37

Cunanca Nabucodonosor ñucaca jahua pachata jatun Mandacta “sumaimana cangui” nishpami alli nini. Tucui pai ruhuashcaca pai nic cashcata, ruhuac cashcatami ricuchin. Jatun tucushca gentecunatapish cumurichinmi.

SALMOS 140:8

Mandac Dioslla, canta mana manchaccuna paicuna munashcata pactachichunpish, paicuna yuyashcata ruhuashpa, jatun tucuchunpish ama saquichu.

SALMOS 13:4

Ñucata piñacca: «¡Mishanimi!» ningami. Ñucata piñaccunaca ñuca urmacpica cushicungami.

2 SAMUEL 5:11

Tiro pueblota jatun mandac Hirampish, rimaccunata cedro caspicunahuan, shinallatac carpinterocunatapish, rumita labraccunatapish Davidpacman cacharcami. Paicunami Davidpac huasitaca ruhuarca.

LAMENTACIONES 2:15

Ñanta pasaccuna ricushpaca maquita huactashpami burlarca. Jerusalenta ricushpaca, silbashpa umata cuyuchishpami: «¿Cai llactatachu sumacta niccuna carca? ¿Cai llactatachu cai pachapi causaccuna cushicuna llacta niccuna carca?» nirca.

SALMOS 145:1

Ñuca jatun Mandac Dioslla, cantaca jatunyachishami. Cambac shutitaca huiñaitami alli nicusha.

SALMOS 79:10

Ama shuctac gentecuna: «¿Maipitac cancunapac Diosca?» nichun saquichuyari. Shuctac gentecuna yachachun canta serviccunapac yahuarmantaca paicunatapish ñucanchic ñaupapi huañuchiyari.

SALMOS 41:11

Ñucata piñaccuna cushicuchunca amatac saquinguichu. Chashna ruhuacpimi, ñuca canhuan alli causacushcata yachasha.

SALMOS 28:9

Mandac Dioslla, can acllashcacunata quishpichiyari. Cambaclla gentecunataca bendiciaiyari. Paicunataca huiñaita michishpa, cuidashpa pushaiyari.

SALMOS 27:6

Chashna ruhuashpami ñuca muyundipi cac, ñucata piñaccunapac jahuapi churanga. Chaimantami cushicushpa, paihuan tupana huasipica animalcunata cushpa huañuchisha. Mandac Diostaca sumac salmocunahuanmi cantashpa alli nisha.

1 CRÓNICAS 21:6

Jatun mandac mandashca Joabpac yuyaipi mana alli cacpimi, levitacunatapish, Benjaminpac huahua huahuacunatapish mana yuparca.

2 SAMUEL 24:25

Chaipimi Davidca Mandac Diosman altarta ruhuashpa, paiman animalta cushpa, tucuita rupachishpa, Dios-huan alli tucungapacpish animalta curca. Chaipimi Mandac Diosca David mañashcata uyashpa, millai ungüitaca tucui Israel llactapi parachirca.

2 SAMUEL 7:2

Chaimantami Davidca Diosmanta huillac Natantaca: —Riqui, ñucaca cedromanta ruhuashca sumac huasipimi causacuni. Ashtahuanpish Diospac Arcaca carpa huasillapimi tiyacun— nirca.

2 SAMUEL 6:20

Chai quipami, Davidca paipac familiacunata bendiciangapac cutirca. Ña David huasiman chayacpimi, Saulpac ushi Micalca Davidta tupangapac llucshishpaca: —¡Cunanca, israelcunata jatun mandacca paita serviccunapac ñaupapi maijanpish cullquimanta servic shina lluchulla danzashpaca allitamari ricuchishca!— nirca.

DEUTERONOMIO 20:5

Quipa mandaccuna tucui israelcunata rimashpaca: “¿Maijantac huasita shayachishpa, manarac chai huasipi causanguichic? Cutishpa chai huasipi causagrichic. Pacta macanacuipi huañucpi, shuc runarac chai mushuc huasipi causanman.

SALMOS 79:4

Ñucanchic vecinocunapac camishcami canchic. Ñucanchic muyundi llactapi causaccunapac burlashpa asishcami canchic.

SALMOS 66:17

Ñuca shimihuanca paitami caparishpa mañarcani. Ñuca calluhuanca paitami jatunyachircani.

2 SAMUEL 20:3

Jatun mandac David Jerusalenman chayashpaca, pai mandana huasita cuidachun saquishca paipac caishuc chunga huarmicunatami shuc huasiman pasachishpa huichcashpa churarca. Chai huarmicunaman micunata carashpa charicushpapish, paicunapica ña mana chayarircachu. Paicunataca viuda huarmicuna shina causachunmi huichcashpa churarca.

1 REYES 8:63

Mandac Dios-huan alli tucungapacmi Salonmanca ishcai chunga ishcai huaranga huagracunata, patsac ishcai chunga huaranga ovejacunata Diosman cushpa huañuchirca. Chashnami jatun mandacpish, tucui israelcunapish Mandac Diospac huasitaca Diosllamantac mingarcacuna.