SALMOS 3:7 - Dios Rimashcata Quillcashcami

⁷ ¡Mandac Dioslla, jatariyari! ¡Ñuca Dioslla, quishpichiyari! Canmi ñucata piñaccunataca jazapi huactarcangui. Canmi millaita ruhuaccunapac quiruta paquircangui.

SALMOS 3:7 Referans Kwoze

SALMOS 58:6

Dioslla, quirucunata paquiyari. Mandac Dioslla, chai leoncunapac quirucunata shic-huaiyari.

JOB 29:17

Millaicunataca jazhatami paquic carcani. Imata quichushca cacpica, quirumantami cacharichic carcani.

JOB 16:10

Ñucata piñashpami rimarircacuna. Ñucata rimashpa llaquichishpami chulla lado ñahuipi huactashpa chugrichircacuna. Ñucata piñashpami tucui mashna tandanacurca.

SALMOS 59:5

Tucuita Mandac Dioslla, israelcunapac Diosmi cangui. Jatarishpa tucui llactacunata llaquichiyari. Canta cariyashpa millaita ruhuaccunataca maijanllatapish ama llaquichu.

SALMOS 10:12

¡Mandac Dioslla shayariyari, cambac maquita alzaiyari! Huacchacunataca ama cungarichu.

ISAÍAS 51:9

¡Mandac Dioslla, riccharishpa, poderta japiyari! Ñaupa huatacuna shina, utca punzhacuna shina shayariyari. ¿Manachu can Rahabtaca ñutuchircangui? ¿Manachu can chai jatun dragontaca chugrichircangui?

SALMOS 7:6

¡Ñucata Mandac Dioslla, piñarishpa jatariyari! Ñucata piñaccuna llaquichicpi ñucamanta shayariyari. Canca cashcata ruhuasha nishpami mandarcangui. ¡Chaimanta ñucata misaiyari!

SALMOS 6:4

Mandac Dioslla, ñuca almata quishpichingapac cutimuiyari. Can cuyac cashcamanta ñucata quishpichiyari.

LAMENTACIONES 3:30

Chugrichic runaman ñahui ladota ricuchichunlla, camishpa rimashcatapish chasquichunlla.

SALMOS 76:9

Dioslla, taripangapac jatarishpaca, cai pachapi causac alli shungucunata quishpichingapacmi jatarircangui. Shina ruhuacpica mancharishpami upalla saquirircuna.

SALMOS 74:11

¿Ima nishpatac cambac maquita pacanguiyari? ¿Ima nishpatac tucuita ruhuac cambac maquitaca cruzashpa shayacunguiyari?

SALMOS 44:23

Jatun Dioslla, ¿ima nishpatac sueñunguiyari? Ama shitashpa saquichu ricchariyari.

SALMOS 35:23

Ñuca Dioslla, ñucata Mandaclla, cashcata ruhuashpa ñucata misangapac riccharishpa shayariyari.

SALMOS 12:5

Mandac Diosca: «Huacchacunataca yallitami llaquichincuna. Imata mana chariccunapish quishpichichunmi caparishpa mañancuna. Chaimantami cunanca quishpichigrini» ninmi.

HABACUC 2:19

¡Canca caspi diostami: “Ricchariyari” ningui! ¡Mana rimac rumi diostami: “Jatariyari” ningui! ¡Aij, imachari tucungui! ¿Chai diosca imatapish yachachi pudingachu? Chai diosca jahuallata curihuan, cullquihuan tapashcami. Samaitapish mana charinchu.

2 SAMUEL 18:8

Tucui llactacunatami macanacuica rirca. Chai macanacuipica sachacunapi urmashpami, espadahuan huañuchishcata yalli ashtahuan huañurca.

SALMOS 27:3

Achca soldadocuna ñucata muyunacushpa shamucpipish, ñuca shunguca mana manchangachu. Ñucata huañuchingapac jatun macanacuita ruhuacpipish Paipimi shunguta churasha.