SALMOS 3:4 - Dios Rimashcata Quillcashcami

⁴ Ñucaca caparishpami Mandac Diosta mañarcani. Chaitaca paipaclla urcumantami uyarca.

SALMOS 3:4 Referans Kwoze

SALMOS 34:4

Ñuca Mandac Diosta mashcacpica, paica uyarcami. Ñuca manchaihuan cacpica, paica quishpichircami.

SALMOS 91:15

Pai ñucata mañacpica, ñucaca uyashami. Pai yallita llaquihuan cacpica, ñucaca paihuanmi casha. Paita quishpichishpami alli nishca cachun ruhuasha.

ISAÍAS 65:24

Manarac cayacpimi, ñucaca uyasha. Paicuna rimaricucllapitacmi ñucaca uyasha.

SALMOS 34:6

Cai huaccha runa caparishpa mañacpica, Mandac Diosca uyashpami tucui llaquicunamanta llucchirca.

SANTIAGO 5:13

Cancunapuramanta maijanpish llaquilla cashpaca, Diosta mañachun. Maijanpish cushilla cashpaca, Diosta alli nishpa cantachun.

SAN MATEO 7:7

Diosta mañaichic, paica cungami. Mashcaichic, taringuichicmi. Huasiyuc nichic, paica pascangami.

SALMOS 43:3

Cambac achiclla luztapish, cashcata rimanatapish cuiyari. Chaicunami cambaclla urcuman, can causacuc huasiman pushanga.

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.

SALMOS 138:3

Ñuca caparishpa mañacpica uyarcanguimi. Ñuca almata sinchiyachishpami jatarichircangui.

SALMOS 99:9

¡Ñucanchicta Mandac Diostaca jatunyachichicyari! Ñucanchicta Mandac Dios jucha illac cashcamantaca paipaclla urcu ñaupapi cumurichicyari.

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

GÉNESIS 15:1

Chai quipa, Mandac Dios Abramman muscuipi shina ricurishpaca: —Abram ama manchaichu, ñucami escudo shina, canta jarcac cani. Sumac japinatami japingui— nirca.

SALMOS 18:3

Mandac Dios cantami mañasha. Canca alabanatacmi cangui. Canta mañashpami piñaccunapac maquimanta quishpichishca casha.

SALMOS 27:6

Chashna ruhuashpami ñuca muyundipi cac, ñucata piñaccunapac jahuapi churanga. Chaimantami cushicushpa, paihuan tupana huasipica animalcunata cushpa huañuchisha. Mandac Diostaca sumac salmocunahuanmi cantashpa alli nisha.

SALMOS 28:7

Mandac Diosca ñucapac sinchi fuerza, ñuca jarcarina escudo shinami. Paitami ñuca shungupica shuyani. Chashna pai ayudashcamantami ñuca shungupi yallita cushicushpa, ñuca ruhuashca cantohuan paita cantacusha.

SALMOS 62:8

Pai acllashcacunalla, tucui punzhacuna paillata shuyaichic. Diosmi ñucanchic miticunami. Chaimanta tucui shunguhuan paipac ñaupapi mañaichic.

SALMOS 84:12

¡Tucuita Mandac Dioslla, canpi shunguta churaccunaca maimi cushicunga!

SALMOS 89:19

Cambaclla runacunaman muscuipi shina ricurishpaca: «Shuc sinchi runatami ayudarcani. Ñuca acllashcapuramantami shuc runata jatunyachircani.

SALMOS 119:114

Canca ñuca miticuna, ñucata pacac escudomi cangui. Can nishca pactachunmi shuyacuni.

PROVERBIOS 2:7

Alli yachaimi allita ruhuaccunamanca mana pandana yuyaita cun. Allita ruhuashpa causaccunapacca jarcarina escudo shinami.

LAMENTACIONES 3:56

Ñuca mañashcataca uyarcanguimi. Ñuca caparishpa mañashcata uyaiyari.