SALMOS 28:9 - Dios Rimashcata Quillcashcami

⁹ Mandac Dioslla, can acllashcacunata quishpichiyari. Cambaclla gentecunataca bendiciaiyari. Paicunataca huiñaita michishpa, cuidashpa pushaiyari.

SALMOS 28:9 Referans Kwoze

ISAÍAS 40:11

Shuc michic shinami, paipac ovejacunataca michinga. Huahua ovejacunataca rigra jahuapimi apanga. Cunanlla huachashca ovejacunataca alli cuidashpami huiñachinga.

SALMOS 78:71

Davidtaca cunanlla huacharishca ovejacunata michina pambamantami pai acllashca Jacobopac huahuacunata, paipaclla israelcunata michichun apamurca.

DEUTERONOMIO 9:29

Can Egipto llactamanta cambac poderhuan llucchimushca gentecunaca cambaclla chicanyachishca gentecunamari.

SAN MATEO 2:6

“Judea llacta Belenlla, canca tucui Judea pueblocunamanta alli nishca pueblomi cangui. Canmantami shuc mandac llucshinga. Paimi ñuca acllashca israelcunataca pushanga” nishcami— nirca.

ISAÍAS 63:9

Paicuna llaquilla japicpica, paipish llaquillami tucurca. Paica, mana paipac angelta cachashpachu quishpichirca. Ashtahuanpish pai llaquishcamanta, yallita cuyashcamantami quishpichishpa pushamurca. Chashnami sarun huatacunapi shina, tucui punzhacunapi jatarichishpa pushamurca.

ESDRAS 1:4

Shinallatac maijan llactapi saquirishca runacunaca cullquitapish, curitapish, ima charishcacunatapish, animalcunatapish cuchun. Shinallatac quiquin munaihuan cushca ofrendahuanpish Jerusalenpi causac Diospac huasita shayachichun ayudaichic» nirca.

1 REYES 8:51

Paicunaca can acllashca cambac gentecunami. Paicunataca fierrota yacuyachina hornomanta shinami Egiptomantaca llucchimurcangui.

EFESIOS 1:18

Cancuna pai cayacpi imata shuyana cashcata yachachun, shinallatac paipaclla caccunaman Dios cusha nishcaca sumac cashcata yachachunmi, alli yuyaita cuchun nishpa mañani.

SALMOS 25:22

Ñuca Dioslla, israelcunata tucui llaquicunamanta llucchiyari.

1 REYES 8:53

Jatun Mandac Dioslla, ñucanchictaca tucui cai pachapi causacpuramantami cambac cachun acllarcangui. Chaitaca ñucanchic ñaupa taitacunata Egiptomanta llucshimushpa, canta servic Moisesman huillashca shinallatacmi, chashna ruhuarcangui» nirca.

MIQUEAS 7:14

Can acllashcacunataca cambac taunahuan michiyari. Paicunaca alli quihua tiyac urcupimi paicunalla causacun. Utca huatacunapi shina, Basán, Galaad urcu quihuacunaman pushaiyari.

MIQUEAS 5:2

Mandac Diosca: «Efrata nishca Belenlla, canca Judá llacta familiapurapica tucuimanta yalli uchilla pueblomi cangui. Canmantami Israel llactata Mandacca llucshinga. Paica ñaupa huata miranacuimantami shamun» ninmi.

JEREMÍAS 31:7

Mandac Diosca: «Jacobomanta cushicushpa caparichicyari. Llactacunapac uma shina llactata alli nichicyari. Sinchita caparishpa: “¡Mandac Dioslla, can acllashcapuramanta saquirishca israelcunata quishpichiyari!” nichicyari.

JEREMÍAS 10:16

Jacoboman tucuita cuc Diosca mana chai dioscuna shinachu. Paica tucui ima tiyacta ruhuacmi. Israel ailluca pai acllashcacunami. Paipac shutica tucuita Mandac Diosmi.

ISAÍAS 46:3

Mandac Diosca: «Jacobopac huahua huahuacunalla, israelpuramanta maijan saquirishcacunalla uyaichicyari. Ñucami mamapac huicsapi cacpirac cuidashpa charini. Manarac huacharicpimi, marcac shina pushamurcani.

SALMOS 14:7

¡Israelcunata quishpichicca Sionmanta shamushpachari alli canman! Mandac Diosca, pai acllashca israelcunapuramanta prezu apashcacunata cutichimushpami alli canman. Chaipica Jacobopac tucui huahua huahua israelcunami cushicunga.

MIQUEAS 5:4

Chai Mandacca Mandac Diospac sumac poderhuanmi michinga. Chaimantami paicunaca cushilla causanga. Pai yallita sinchiyachicpimi, mana manchashpa causanga.

2 SAMUEL 21:3

David gabaonitacunata tapushpaca: —Mandac Dios cushca gentecunata cancuna bendiciachunca, cancunata llaquichishcamantaca ¿imatatac cancunamanca ruhuasha?— nirca.

2 SAMUEL 7:7

Ñucaca israelcunahuan maita purishpapish israelcunata pushaccunataca: ‘¿Ñuca causangapac cedromanta huasita ruhuachun nishcanichu?’ nishpa tapurcani.

DEUTERONOMIO 32:9

Mandac Dios japinaca pai acllashcacunami. Pai japinaca Jacobomi.

DEUTERONOMIO 1:31

Shitashca pambapi imata ruhuashcatapish ricurcanguichicmi. Ñucanchicta Mandac Diosca shuc taita churita maquimanta aisashpa shamuc shinami, cancunataca tucui ñanpi cuidashpa, caicaman apamurca” nircani.

DEUTERONOMIO 9:26

Chashna cumurishpa paita mañashpaca: “Mandac Dioslla, ama cambac gentecunataca tucuchichu. Can jatun cashcamantami paicunataca cambac poderhuan Egiptomanta llucchimurcangui.