SALMOS 28:8 - Dios Rimashcata Quillcashcami

⁸ Mandac Diosca pai acllashcacunapac sinchi pirca shinami. Pai aceitehuan cahuishpa acllashca runapacca quishpichic shinallatac jarcarinami can.

SALMOS 28:8 Referans Kwoze

SALMOS 20:6

Mandac Diosca aceitehuan cahuishca paipac jatun mandacta quishpichic cactaca cunanmi yachani. Jucha illac jahua pacha cambac huasimantami, pai mañashcataca uyashpa, paipac alli maquihuan mishachishca.

SALMOS 140:7

Ñucata quishpichic Mandac Dioslla, canmi jatun macanacui punzhapica ñuca ama huañuchun cuidarcangui.

ISAÍAS 61:1

Mandac Diosmi ñucataca aceitehuan cahuirca. Chaimantami paipac Espíritu ñucapica causan. Ñucataca llaquilla causaccunaman alli huillaita huillachun, shungu paquirishcacunata ayudachun, prezumanta llucchinata huillachun, carcelpi tiyacuccunaman paicuna llucshina chayamucushcata huillachunmi cacharca.

1 SAMUEL 16:13

Shina nicpi, Samuelca aceitehuan cac gachuta japishpa, Davidtaca paipac huauquicuna ricucucpi aceitehuan umata cahuirca. Chai punzhamanta pachami Mandac Diospac Espirituca Davidpacman shamurca. Chai quipaca Samuelca Ramá pueblomanmi cutirca.

SALMOS 2:2

Cai pacha jatun mandaccunapish, quipa mandaccunapish tandanacushpami Mandac Diostapish, aceitehuan cahuishca jatun mandactapish, mana cazushpa piñancuna.

SALMOS 20:7

Shuctac gentecunaca carretacunapi, caishuccunaca caballocunapimi shunguta churancuna. Ashtahuanpish ñucanchicca, ñucanchicta Mandac Diospimi shunguta churanchic.