SALMOS 28:7 - Dios Rimashcata Quillcashcami

⁷ Mandac Diosca ñucapac sinchi fuerza, ñuca jarcarina escudo shinami. Paitami ñuca shungupica shuyani. Chashna pai ayudashcamantami ñuca shungupi yallita cushicushpa, ñuca ruhuashca cantohuan paita cantacusha.

SALMOS 28:7 Referans Kwoze

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

EFESIOS 6:10

Chaimanta cunanca Apunchic Jesus-huan shuclla cashcamanta, pai imatapish ruhuaclla cashcahuan sinchi tucuichic.

SALMOS 40:3

Ñuca shimipica mushuc cantotami churarcangui. Chai cantohuanmi ñuca Diosta alli nini. Chaita ricushpaca achcacunami mancharishpa, paicunapac shungutaca Mandac Diospi churanga.

SALMOS 13:5

Ashtahuanpish ñucaca can llaquic cashcatami yuyacuni. Can quishpichic cashcamantami ñuca shunguca cushicun.

SALMOS 28:8

Mandac Diosca pai acllashcacunapac sinchi pirca shinami. Pai aceitehuan cahuishpa acllashca runapacca quishpichic shinallatac jarcarinami can.

ISAÍAS 12:2

¡Mandac Diosca ñucata quishpichicmi! ¡Ñucata sinchiyachic, ñuca cantana, ñucata quishpichic Diosmi! Chaimanta paipi shunguta churashpaca imatapish mana manchashachu» ningui.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

SALMOS 69:30

Ñucaca Diospac shutitaca cantashpami alli nisha. Canta pagui nishpami alabasha.

SALMOS 22:4

Ñucanchic ñaupa taitacunaca can quishpichichunmi shuyarcacuna. Chashna shuyacpica canca quishpichircanguimi.

SALMOS 91:4

Paipac plumahuan pacashpami, paipac alas ucupi cuidashpa charinga. Cashcata nic cashcahuanmi escudo shina, fierro churana shina huacaichinga.

SALMOS 3:3

Ashtahuanpish Mandac Dioslla, escudo shinami ñuca muyundita jarcangui. Canca sumaimana cushichicmi cangui. Ñuca umata alzachishpa sinchiyachicmi cangui.

SALMOS 21:1

¡Mandac Dioslla, jatun mandacca can fuerzata cushcamantami cushicun! ¡Macanacuita mishachishcamantami yallita cushicun!

GÉNESIS 15:1

Chai quipa, Mandac Dios Abramman muscuipi shina ricurishpaca: —Abram ama manchaichu, ñucami escudo shina, canta jarcac cani. Sumac japinatami japingui— nirca.

APOCALIPSIS 5:9

Shinallatac shuc mushuc cantota cantashpaca: «Canllami sellota churashcacunata anchuchishpa, pillushca pangata pascaipac cangui. Canca huañushpami, Diospac cachun tucui aillucunamantapish, tucuilaya rimaita rimaccunamantapish, tucui llactacunamantapish, tucuilaya gentecunamantapish cambac yahuarhuan randishpa tandachishcangui.

SALMOS 46:1

Diosca muyundita jatun pircashca shina ñucanchicta cuidashpa huacaichicmi. Shinallatac llaquihuan cacpipish, utca ayudacmi.

SALMOS 33:21

Chaimantami ñucanchic shunguca paimanta cushicun. Ñucanchicca paipac jucha illac shutipimi shunguta churashcanchic.

APOCALIPSIS 15:3

Chaipica Diospacta ruhuac Moisespac cantota, shinallatac Pactalla Ovejapac cantotapish cashna nishpami cantacurcacuna: «¡Tucui imatapish ruhuac Mandac Dioslla! Can tucui ima ruhuashcacunaca sumaimana jatunmi. ¡Tucui llactacunata Mandac Dioslla! Canca imatapish allita, shinallatac imapish cashcallatami ruhuangui.

SALMOS 19:14

Canca jatun rumi shina ñucata pacac, ñucata quishpichicmi cangui. Ñuca canman nishcacunapish, ñuca shungupi yuyashcapish can chasquinalla cashca cachun.

ISAÍAS 45:24

Ñucamantaca: “Cashcata ruhuanapish, tucui poderpish Mandac Dios-huanmi” ningacunami. Mandac Dios ñucapacmanmi shamunga. Ñucata yallita piñaccunaca tucuimi pingaichishca canga.

SALMOS 3:4

Ñucaca caparishpami Mandac Diosta mañarcani. Chaitaca paipaclla urcumantami uyarca.

SALMOS 13:6

Mandac Diosta alabashami. Paica allitami ñucamanca ruhuashca.

SALMOS 37:39

Cashcata ruhuaccunataca Mandac Diosmi quishpichinga. Paica llaqui punzhacunapi jarcarina jatun pirca shinami.

SALMOS 43:2

Pueblo muyundita pircashca shina jarcac Diosmi cangui. ¿Ima nishpatac ñucallata saquinguiyari? ¿Ima nishpatac ñucata piñaccuna yallita llaquichicpi, llaquirishpa puricushayari?

SALMOS 46:2

Chaimantami allpa chucchucpipish, urcucuna tuñirishpa mama cucha chaupipi siriricpipish mana manchashun.