SALMOS 28:2 - Dios Rimashcata Quillcashcami

² Caparishpa ñuca mañashcatapish, cambaclla huasi ladoman huichailla maquicunata chutashpa mañashcatapish uyaiyari.

SALMOS 28:2 Referans Kwoze

SALMOS 138:2

Cantaca pactachic cashcamanta, llaquic cashcamantami cambac huasi ladoman cumurishpa cantasha. Cambac shutitapish, can rimashcatapish, tucuimanta yalli jatun cashcatami ricuchishcangui.

SALMOS 141:2

Ñuca mañashcaca incienso cushni shina mishquilla cambac ñaupaman chayashca cachun. Cambac ladoman ñuca maquicunata chutashcaca chishi lado ofrendata cushca shina cachun.

1 TIMOTEO 2:8

Jesusta cric caricunaca, maipi cashpapish mana piñarishpa, mana piñanacushpa, jahuaman maquita chutashpa alli shunguhuan Diosta mañachunmi munani.

SALMOS 140:6

Ñucaca Mandac Diostaca: «¡Canca ñuca Diosmi cangui!» nircanimi. Mandac Dioslla, ñuca yallita mañacuctaca uyaiyari.

SALMOS 134:2

Paipac huasiman maquicunata chutashpa, Mandac Diosta alli nichicyari.

SALMOS 5:7

Shina cacpipish ñucaca can yallita llaquic cashcamantami cambac huasiman yaicusha. Ñucaca cambaclla huasiman ñahuita churashpami cambac ñaupapi cumurini.

DANIEL 6:10

Danielca chai mandashpa quillcashcapi jatun mandacpac shutita churashcata yachashpami paipac huasiman rishpa, Jerusalén ladoman ventanata pascashpa utcapi ima shina mañac cashca shinallatac cada punzha quimsa cutin paipac Diosta pagui nishpa mañarca.

LAMENTACIONES 2:19

Jatarishpa tuta cuidangapac yaicuna horaspish caparichicyari. Mandac Diospac ñaupapi yacunayaihuan shina, tucui shunguhuan mañaichicyari. Huahuacunaca yarcaihuanmi ñancunapi huañuna shina siricun. Chaimanta paicunaman causaita cuchun, maquita huichaiman chutashpa, Mandac Diosta mañaichicyari.

SALMOS 143:6

Chaita yuyarishpami cambacman ñuca maquicunata chutani. Ñuca almaca chaquishca allpa tamyata shuyac shinami canta shuyacun.

SALMOS 125:5

Ashtahuanpish Diosmanta anchurishpa, millaita ruhuaccunataca millaita ruhuaccunallahuantacmi cachanga. ¡Israelcunamanca cushi causai tiyachun!

SALMOS 63:4

Ñuca tucui causaipimi canta alli nisha. Cambac shutipimi ñuca maquita huichai chutasha.

2 CRÓNICAS 6:13

Salomonca shayarina shuc bronce patatami ruhuachishca carca. Chai shayarinaca largomanpish, anchomanpish ishcai metro ishcai chunga pichca centimetromi carca. Altomanca shuc metro quimsa chunga pichca centimetromi carca. Chai shayarinataca chaupi pambapimi churashca carca. Chaiman huichicushpami, tucui israelcunapac ñaupapi cungurishpa, jahuaman maquita chutashpa:

1 REYES 8:38

Shina tiyacpica maijan shuclla cashpa, mana cashpaca can acllashca tucui israelcuna cashpa, paicuna llaqui tucushcata, mana cashpaca imapish ungüi japishcata yachashpami, cai huasiman maquita chutashpa canta mañangacuna.

1 REYES 6:19

Mandac Dios ari nishca quillcata huacaichina Arcata churangapacmi Diospaclla chicanyachishca ucutaca alli allichirca.

1 REYES 6:5

Shinallatac chai huasi jatun pircapi quimichishpami uchilla ucucunatapish ruhuarca. Diospaclla chicanyachishca ucu pata muyundipipish chashnallatac ucucunatami ruhuarca.

SALMOS 130:2

Jatun Dioslla, ñuca mañashcata chasquiyari. Ñuca mañashcata cambac ringrihuan uyaiyari.

SALMOS 141:1

Mandac Dioslla, cantaca caparinica. Utca shamuiyari. Canta mañacunica, uyaiyari.

DANIEL 6:11

Chashna mañacucpimi, chai mandaccuna tandanacushpa shamushpaca Daniel Diosta mañacucta ricurca.