SALMOS 28:1 - Dios Rimashcata Quillcashcami

¹ Mandac Dioslla, cantami caparishpa mañasha. Canca ñuca jarcarina jatun rumimi cangui. Ama ringrita pacaichu. Can ringrita pacashpa ñuca mañashcata mana uyacpica, huañushcacuna shinami casha.

SALMOS 28:1 Referans Kwoze

SALMOS 143:7

Mandac Dioslla, ñuca mañashcata utca cutichiyari. Ñucaca huañunalayami tucuni. Cambac ñahuita ama pacaichu. Can mana ricucpica, ña enterrashcalayami casha.

SALMOS 18:2

Mandac Dioslla, jatun rumimari cangui. Ñucata cuidashpa, llaquimantapish quishpichicmi cangui. Ñuca Dioslla, muyundita jarcac jatun pirca shinami cangui. Canpimi miticusha. Ñucata jarcac escudomi cangui. Tucuimanta yalli jatun ñuca miticunamari cangui. Ñucata quishpichicmi cangui.

PROVERBIOS 1:12

Seol shinami causacta millpushun. Jatun jutcupi shitac shinami chingachishun.

SALMOS 83:1

Sumac Dioslla, ama chunlla saquirichu. Dioslla, ama upalla imatapish mana ruhuashpa saquirichu.

APOCALIPSIS 20:3

Chashna huatashpaca, jatun jutcuman shitashpami punguta huichcashpa, sellashpa churarca. Chaitaca huaranga huatacuna tucungacamanmi, gentecunata ama crichichun chashnaca ruhuarca. Chai quipaca ashacaman cacharishcami canga.

ISAÍAS 26:4

Mandac Diosca huiñaipac jarcarina jatun rumi shinami. Chaimanta paipi huiñaita shunguta churaichicyari.

JOB 33:28

Diosmi paitaca enterrana jutcumanta quishpichinga. Shina cacpica, achicta ricushpami paica causanga.

ISAÍAS 38:18

Seolpi caccunaca cantaca mana pagui nincunachu. Huañushcacunaca cantaca mana alabancunachu. Enterrana jutcuman riccunapish can pactachinataca mana shuyanchu.

SALMOS 35:22

Mandac Dioslla, canllatacmi ricucungui. Ama upalla saquirichu. Jatun Dioslla, ama ñucamanta caruyaichu.

SALMOS 30:9

«Ñuca huañushpa, enterrana jutcuman ricpica, ¿imatatac japingui? ¿Allpaca canta alabangachu? ¿Can cashcata nic cashcata huillangachu?

SALMOS 22:2

Ñuca Dioslla, punzhacuna mañacpica mana uyanguica. Tutacuna mañacpipish mana samachinguica.

SALMOS 3:4

Ñucaca caparishpami Mandac Diosta mañarcani. Chaitaca paipaclla urcumantami uyarca.

SALMOS 77:1

Diostaca caparishpami mañarcani. Diostami caparircani, paica uyarcami.

SALMOS 69:15

Ama yacupi chingarichun saquichu. Jatun yacu ñucata apanamanta chariyari. Yallita pura jutcupi ama taparichun saquichu.

SALMOS 5:2

Jatun Mandac ñuca Dioslla, ñuca caparishpa mañashcata uyaiyari. Ñucaca canllatami mañani.

SALMOS 142:1

Mandac Diostaca caparishpami mañasha. Ñucata llaquichunmi Mandac Diostaca caparishpa mañasha.

SALMOS 39:12

Mandac Dioslla, ñuca mañashcata uyaiyari. Ñuca caparicushcata uyaiyari. Ñuca huacacucta ricushca jahuaca ama upalla saquirichu. Cambac ñaupapica puric shinallami cani. Ñuca ñaupa taitacuna shina shamushcallami cani.

SALMOS 42:9

Ñuca Diostaca: «Ñuca miticuna jatun rumimi cangui. ¿Imamantatac ñucata cungaringuiyari? ¿Imamantatac piñaccuna llaquichicpi, duelo churanahuan puricushayari?» ninimi.

SALMOS 30:4

Mandac Diospaclla causaccuna paita cantaichic. Pai jucha illac cashcata yuyarishpa cushicuichic.

SALMOS 142:2

Ñuca llaquilla cashcataca paipac ñaupapimi ricuchisha. Ñuca yallita llaquihuan cashcataca paipac ñaupapimi huillasha.