SALMOS 27:6 - Dios Rimashcata Quillcashcami

⁶ Chashna ruhuashpami ñuca muyundipi cac, ñucata piñaccunapac jahuapi churanga. Chaimantami cushicushpa, paihuan tupana huasipica animalcunata cushpa huañuchisha. Mandac Diostaca sumac salmocunahuanmi cantashpa alli nisha.

SALMOS 27:6 Referans Kwoze

SALMOS 3:3

Ashtahuanpish Mandac Dioslla, escudo shinami ñuca muyundita jarcangui. Canca sumaimana cushichicmi cangui. Ñuca umata alzachishpa sinchiyachicmi cangui.

HEBREOS 13:15

¡Chaimantami Diostaca, Jesucristomanta huiñaita alabacunalla canchic! Chaimi Diosman cushca ofrenda shina can. ¡Chaimanta ñucanchic shimihuan Diospac shutita alli nicushunchic!

SALMOS 107:22

Paita pagui nishpa animalta cushpa, pai allicunata ruhuashcacunata cushicushpa cantaichicyari.

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

2 SAMUEL 22:49

Canmi ñucata piñaccunamanta anchuchircangui. Canmi ñucata piñaccunapac chaupipi jatunyachircangui. Millai runapac maquimantami quishpichircangui.

APOCALIPSIS 15:3

Chaipica Diospacta ruhuac Moisespac cantota, shinallatac Pactalla Ovejapac cantotapish cashna nishpami cantacurcacuna: «¡Tucui imatapish ruhuac Mandac Dioslla! Can tucui ima ruhuashcacunaca sumaimana jatunmi. ¡Tucui llactacunata Mandac Dioslla! Canca imatapish allita, shinallatac imapish cashcallatami ruhuangui.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

JEREMÍAS 33:11

yallita cushicushpa asishcapish, novia, novio cantashcapish, shinallatac Mandac Dios ñucapac huasiman ofrendata apamushpa: “¡Tucuita mandac Diosta alabaichic, paica allimari! Paica huiñaita cuyacunllami” nishpa, cantashcapish uyaringami. Ñucaca prezumanta cutichimushpaca, utcapi shinallatac causachunmi allichisha. Chaitaca Mandac Dios ñucami nini.

APOCALIPSIS 5:9

Shinallatac shuc mushuc cantota cantashpaca: «Canllami sellota churashcacunata anchuchishpa, pillushca pangata pascaipac cangui. Canca huañushpami, Diospac cachun tucui aillucunamantapish, tucuilaya rimaita rimaccunamantapish, tucui llactacunamantapish, tucuilaya gentecunamantapish cambac yahuarhuan randishpa tandachishcangui.

1 PEDRO 2:5

Chashna chayaricpimi, Dios causana huasipica causac rumicuna shinata, shinallatac Diospaclla cac curacunata Diosca ruhuanga. Jesucristomantami Diospac Espíritu yuyaita cucpi cancuna cushcaca, mishquilla ashnacuc shina cachun chashnaca ruhuanga.

SALMOS 95:1

¡Mandac Diosta cushicushpa cantangapac shamuichic! Ñucanchic quishpichic jatun rumitaca yallita cushicushpa cantashunchic.

2 SAMUEL 7:9

Ñucaca can maita ricpipish, canhuanmi carcani. Canta piñaccunatapish tucuitami cambac ñaupamanta chingachircani. Shina ruhuashpami, cai pacha mandaccunapuramanta tucuita yalli jatun cachun ruhuarcani.

JEREMÍAS 31:7

Mandac Diosca: «Jacobomanta cushicushpa caparichicyari. Llactacunapac uma shina llactata alli nichicyari. Sinchita caparishpa: “¡Mandac Dioslla, can acllashcapuramanta saquirishca israelcunata quishpichiyari!” nichicyari.

SALMOS 138:5

Mandac Dios ruhuashcacunatami cantangacuna. Mandac Diosca jatun sumaimanami.

SALMOS 110:7

Jatun mandacca ñanpi yacuta ubiashpami cutin fuerzata japinga.

SALMOS 81:1

¡Ñucanchic jarcarina jatun torre shina Diostaca cushicushpa cantaichicyari! ¡Jacobopac Diostaca yallita cushicushpa caparishpa alli nichicyari!

SALMOS 47:1

¡Tucui llactapi causaccuna maquita huactaichicyari! ¡Yallita cushicushpa caparishpa Diosta cantaichicyari!

SALMOS 21:13

¡Mandac Dioslla, imatapish ruhuac cashcahuan can jatun cashcataca ricuchiyari! ¡Mishachishcamantaca cantashami, alabashami!

SALMOS 21:1

¡Mandac Dioslla, jatun mandacca can fuerzata cushcamantami cushicun! ¡Macanacuita mishachishcamantami yallita cushicun!

1 CRÓNICAS 22:18

«¿Cancunata Mandac Diosca manachu cancunahuan? ¿Maita ricpipich, manachu cancunamanca cushi causaita curca? Paimi cai llactapi causaccunataca ñuca maquipi churashca. Chaimantami chai llactapi causaccunaca Mandac Diospac ñaupapi pai acllashcacunapac ñaupapi mandashca causancuna.

2 REYES 25:27

Judá llactata jatun mandac Joaquín quimsa chunga canchis huatata prezu causacucpimi, Evil-merodacca Babilonia llactata jatun mandac tucurca. Paimi mandai callarishca chunga ishcai quilla, ishcai chunga canchic punzhapi Joaquintaca carcelmanta llucchirca.

2 SAMUEL 22:1

Davidca tucui paita piñaccunapac maquimanta, Saulpac maquimanta quishpichishca punzhami Mandac Diosta alli nishpa,

GÉNESIS 40:13

Quimsa punzha quipami Faraonca carcelmanta llucchishpa, cutinllatac Faraonman ima ruhuanata ruhuacushcallapitac churanga. Chaipimi canca utcapi ima shina Faraonman vinota servic cashca shinallatac servingui.

GÉNESIS 40:20

Quimsa punzha quipaca jatun mandac Faraonpac huacharishca punzha pactacpimi, jatun mandacca tucui paita serviccunaman jatun micuita caracurca. Chai serviccunapac ñaupapimi, vinota serviccunata mandacta, shinallatac tandata ruhuaccunata mandacta carcelmanta llucchimuchun cacharca.

SALMOS 3:4

Ñucaca caparishpami Mandac Diosta mañarcani. Chaitaca paipaclla urcumantami uyarca.

SALMOS 57:8

¡Ñuca almalla, ricchariyari! ¡Arpapish, salteriopish ricchariyari! Mushuc punzhata ricuchishpami riccharisha.

SALMOS 119:108

Mandac Dioslla, ñuca shimihuan canta alli nishcataca chasquiyari. Can yachachishcatapish yachachiyari.