SALMOS 26:10 - Dios Rimashcata Quillcashcami

¹⁰ Paicunapac maquicunahuanca millaillatami ruhuancuna. Alli maquihuanca pacalla cushca cullquitami yallita japincuna.

SALMOS 26:10 Referans Kwoze

DEUTERONOMIO 16:19

Cashcata ruhuanata ama saquinguichicchu. Ama ñahuita ricushpalla taripanguichicchu. Imata ruhuangapac ama imata pacalla japinguichicchu. Chai japishcami alli yachac cacpipish, ñahui mana ricucta shina ruhuan. Shinallatac cashcata ruhuactapish pandachinmi.

SALMOS 52:2

Cambac calluca punzhantami llaquichin. Llullangapacca navaja mulashca shinami.

1 SAMUEL 8:3

Ashtahuanpish churicunaca paicunapac taita shinaca mana causarcacunachu. Paicunaca charicyangaraicu cullquita pacalla japishpami cashcataca mana ruhuarcacuna.

ÉXODO 23:8

Ama agradota japinguichu. Chai agradoca cashcata ruhuac runatapish, alli runatapish ñahuita quillpac shinatami ruhuan.

HECHOS 23:12

Cayandi tutamanta maijan israelcunaca Pablota huañuchingacaman manatac micungapac, manatac ubiangapacmi ari ninacurca. Mana chaita pactachicpica, Dios llaquichichunmi ari ninacurca.

MIQUEAS 7:3

Paicunapac maquica ima mana allita ruhuangapac yachachishcami. Jatun mandaccunaca mana allita ruhuangapacmi imatapish cuchun mañacun. Juezcunaca imata pacalla japishpami mandan. Mandacpish, paipac shungu munashcatami riman. Chashnami allita ruhuanataca saquin.

AMÓS 5:12

Ñucaca cancuna yallita mana cazushcatapish, yalli millaita ruhuashcacunatapish, cashcata ruhuac runata llaquichishcatapish, imata pacalla japishcatapish, juezcunapac ñaupapi huacchacuna japinata quichushcatapish yachanimi.

ISAÍAS 33:15

Maijanpish cashcata ruhuac, mana llullac, pimanta quichushpa mana chayucyac, allita ruhuangapac imata mana pacalla japic, huañuchina yuyaita mana uyasha nic, ima mana allita mana ricusha nicmi

PROVERBIOS 4:16

Paicunaca ima millaita mana ruhuashpaca, mana sueñuncunachu. Pitapish mana pandachishpaca, sueñuitapish mana charincunachu.

PROVERBIOS 1:16

Mana allita ruhuangapacca callpashpami rincuna. Huañuchishpa yahuarta jichangapacca utcami rincuna.

SALMOS 36:4

Paica camapi siricushpapish, millaita ruhuanallatami yuyarin. Millai ñanpi cashpami millaita ruhuanataca mana millanayachin.

SALMOS 11:2

Millaita ruhuac runacunaca alli yuyaita chariccunata huañuchingapacmi arcotapish, flechatapish allichishpa pacalla charicun.

SALMOS 10:14

Pai yallita llaquichicuctaca canllatacmi ricucungui. Paicuna imata ruhuashca shinallatacmi llaquichingui. Imata mana ruhuai pudiccunaca cambac maquimanmi cuchuyan. Canca taita mama illaccunata ayudacmi cangui.