SALMOS 25:4 - Dios Rimashcata Quillcashcami

⁴ Mandac Dioslla, cambac ñanta ricuchiyari. Can munashca shina causanata yachachiyari.

SALMOS 25:4 Referans Kwoze

SALMOS 86:11

Mandac Dioslla, can munashca shina causanata yachachiyari. Cashcata nic ñanpimi causasha. Ñuca shungupipish canta manchana yuyaita churaiyari.

SALMOS 27:11

Piñaccunaca ñucata juchanchicunmi. Chaimanta Mandac Dioslla, alli ñanta pushashpa canhuan ima shina causanata yachachiyari.

SALMOS 143:8

Canllapimi shunguta churani. Chaimanta can yallita cuyac cashcataca tutamanta huillaiyari. Ñuca ima shina causanata yachachiyari. Ñuca almataca canmanmi mingarcani.

SALMOS 5:8

Mandac Dioslla, ñucata piñaccuna llaquichigricucpica, cashcata ruhuachishpa pushaiyari. Cambac alli ñanta pushaiyari.

ÉXODO 33:13

Chashna cambac ñahuipi alli ricurishca cacpica, can imata ruhuasha nicushcataca huillaiyari. Chashna huillacpimi, can ñucahuan cashcataca yachasha. Riqui, cai gentecunaca can acllashcacunami— nirca.

SALMOS 119:27

Cambac sumaimana shimicunataca yuyarirasha ninimi. Can mandashcacunata entendichiyari.

JEREMÍAS 6:16

Mandac Diosca: «Ñancunapi shayarishpa ricuichicyari. Ñaupa ñancunata tapushpa, maijan ñan alli cashcata acllashpa purichicyari. Chashna ruhuacpica, cancunapac alma samaringami» nirca. Shina nicpipish cancunaca: «Chai ñantaca mana purishunchu» nircanguichicmi.

ISAÍAS 2:3

Achca gentecuna shamushpaca: «Mandac Dios munashca shina causanata yachachicpi, allita yachacushpa, paipac alli ñanta catingapac paipac urcuman rishunchic. Jacobopac Diospac huasiman jacuchic» ningami. Chaica Sión llactamantami mandashcacunaca llucshinga. Jerusalenmantami Mandac Dios rimashcaca llucshinga.

PROVERBIOS 8:20

Allita ruhuaccunapac ñanta cashcata ruhuana ñantami pushasha.

SALMOS 5:1

Mandac Dioslla, ñuca rimashcacunata uyaiyari. Ñuca shungu llaquiricushcata ricuiyari.

1 REYES 8:36

Shina ruhuacpica, jahua pachapi uyashpami, canta serviccunapac juchatapish, can acllashca israelcunapac juchatapish perdonangui. Canta cazushpa purichunpish, alli ñanta ricuchishpa yachachingui. Can acllashca gentecunaman cushca llactapipish tamyachingui.