SALMOS 25:2 - Dios Rimashcata Quillcashcami

² ¡Ñuca Dioslla, canpimi shunguta churani! Ama pingaichichun saquinguichu. Ñucata piñaccuna cushicuchunca ama saquinguichu.

SALMOS 25:2 Referans Kwoze

ROMANOS 10:11

Dios quillcachishcapica: «Maijanpish paita cricca mana pingaichishcachu canga» ninmi.

SALMOS 41:11

Ñucata piñaccuna cushicuchunca amatac saquinguichu. Chashna ruhuacpimi, ñuca canhuan alli causacushcata yachasha.

SALMOS 71:1

Mandac Dioslla, canllapimi miticushpa causani. Amatac pingaichishpa saquinguichu.

ROMANOS 5:5

Diosca paipac Espirituta cachashpami, ñucanchic shungupi cuyaita churashca. Chaimantami mana yanga shuyacunchic.

SALMOS 22:5

Canta mañashpami llaquimanta llucshircacuna. Canpi shunguta churashpaca mana pingai tucurcacunachu.

SALMOS 142:6

Ñucaca yallitami llaquihuan cani. Ñuca caparishpa mañashcata uyaiyari. Ñucata llaquichiccunamanta quishpichiyari. Paicunaca ñucata yalli sinchicunami.

SALMOS 31:1

Mandac Dioslla, canllapimi shunguta churani. Ñuca pingaichishca cachunca amatac saquinguichu. Canca cashcata ruhuacmi cangui. Chaimanta ñucata quishpichiyari.

ISAÍAS 37:35

Ñucallatac cuyarishcamanta, ñucata servic Davidta cuyashcamantami cai llactapi causaccunata ayudashpa quishpichisha” ninimi» nirca.

SALMOS 34:8

Mandac Dios alli cactaca cancunallatac ricushpa yachaichicyari. ¡Paipi miticuc runaca maimi cushicun!

ISAÍAS 26:3

Mandac Dioslla, canta mana cungarishpa can yuyailla causaccunata cuidangui. Cushi causaita cunguiyari. Paicunata canpi shunguta churashpami causan.

SALMOS 94:3

Mandac Dioslla, ¿ima horascamantac canta mana manchaccuna cushicungayari? ¿Ima horascamantac chashna cachun saquinguiyari?

1 PEDRO 2:6

Shina cashcamantami Dios quillcachishcapica: «Tucuimanta yalli huasita callaringapac acllashca, mai valishca Rumitami Sión pueblopi churani. Maijanpish chai Rumipi shunguta churacca, mana pingaichishcachu canga» ninmi.

ISAÍAS 49:23

Jatun mandaccunami cambac huiñachic taitacuna shina canga. Jatun mandac huarmicunami huiñachic mamacuna shina canga. Cantaca cumurishpami alabanga. Cambac chaqui allpata lambingacunami. Chashna ruhuacpimi, ñuca Mandac Dios cashcata yachangui. Shinallatac ñucata shuyaccunaca mana pingaichishcachu canga.

ISAÍAS 37:20

Mandac Dioslla, cunanca tucui cai pacha jatun mandaccuna canlla Mandac Dios cashcata yachachun, ñucanchicta paicunapac maquimanta quishpichiyari» nirca.

SALMOS 37:40

Mandac Diosmi ayudashpa cacharichinga. Paita mana manchaccunapac maquimanta llucchishpami quishpichinga. Chaica, paita shuyacushcamantami chashnaca quishpichinga.

SALMOS 18:2

Mandac Dioslla, jatun rumimari cangui. Ñucata cuidashpa, llaquimantapish quishpichicmi cangui. Ñuca Dioslla, muyundita jarcac jatun pirca shinami cangui. Canpimi miticusha. Ñucata jarcac escudomi cangui. Tucuimanta yalli jatun ñuca miticunamari cangui. Ñucata quishpichicmi cangui.

SALMOS 7:1

Ñucata Mandac Dioslla, canca ñuca miticunami cangui. Ñucata llaquichingapac caticcunapac maquimanta quishpichiyari.

SALMOS 22:8

«Chaicunaca Mandac Diospimi shunguta churac carca. Pai cuyashcami cani niccunami carca. Shina cacpica Mandac Diosllatac quishpichichun. Paillatac llaquimanta llucchichun» nincunami.

SALMOS 22:1

¡Ñuca Dioslla, ñuca Dioslla! ¿Ima nishpatac ñucallata saquinguiyari? ¿Ima nishpatac ñucamantaca caruyanguiyari? Quishpichiyari nishpa, ñuca caparishcataca, ¿ima nishpatac mana uyanguiyari?

ISAÍAS 41:16

Cancuna huairachicpica, huairami apanga. Acapana huairami caita chaita apanga. Ashtahuanpish cancunaca Mandac Dios-huanmi cushicunguichic. Israelcunapac jucha illac Dios-huanmi yallita cushicunguichic.

ISAÍAS 37:10

«Judá llactata jatun mandac Ezequiastaca: “Can shunguta churashca cambac Dios pandachichunca, ama saquinguichu. Paica Jerusalentaca Asiria llactata jatun mandacpac maquipica mana churashachu.

ISAÍAS 28:16

Chaimantami Mandac Diosca: «Riquichic, ñucaca Sión llactapimi huasita ruhuashpa callaripi churana acllashca sumac sinchi rumita shina churarcani. Chai rumita cricca mana manchashpa callpangachu.

SALMOS 56:1

Ñuca Dioslla, ñucata llaquichingapac caticuncunami. Chaimanta ñucataca llaquiyari. Punzhantami llaquichincuna.

2 CRÓNICAS 13:18

Chashnami israelcunaca chai huatapica llaqui tucushpa saquirirca. Ashtahuanpish Judá llacta soldadocunaca paicunapac ñaupa taitacunata Mandac Diosta mañashpami sinchi tucurcacuna.

SALMOS 13:5

Ashtahuanpish ñucaca can llaquic cashcatami yuyacuni. Can quishpichic cashcamantami ñuca shunguca cushicun.

SALMOS 31:2

Cambac ringrihuan uyashpa, llaquimantaca utca llucchiyari. Ñuca jarcarina jatun rumi caiyari. Muyundi jatun pirca shina quishpichiyari.

SALMOS 31:15

Ñuca causaipish cambac maquipimi. Piñashpa llaquichiccunamanta quishpichiyari.

SALMOS 91:2

Chaimantami Mandac Diostaca: «Canca ñuca miticuna, ñuca jarcarina jatun torre shinami cangui. Canpimi shunguta churani» nini.

JEREMÍAS 17:18

Ñucata pingaichinapac randica, ñucata llaquichiccunata pingaichiyari. Ñucata manchachinapac randica, paicunata manchachiyari. Jatun llaqui punzhacunaca paicunata japichun. Paicunata llaquichishca jahuapish ashtahuan llaquichiyari.