SALMOS 24:2 - Dios Rimashcata Quillcashcami

² Paimi cai pachataca mama cucha jahuapi churashpa chai jahuapi sinchita tiyachirca.

SALMOS 24:2 Referans Kwoze

JEREMÍAS 5:22

¿Manachu ñucataca manchanguichic? Ñuca ñaupapica, ¿manachu chucchunguichic? Ñucami tiyu allpataca mama cucha patapi huiñai huiñaita lindero cachun churarcani. Mama cucha sinchita huac nishpa shamushpapish mana pasangachu.

SALMOS 136:6

Cai pachata yacu jahuapi tendic shina ruhuac Diosta alabaichicyari. ¡Paica huiñaita llaquicmi!

SALMOS 96:10

Tucui llactapi causaccunaman huillashpaca: «¡Mandac Diosca mandacunmi!» nichicyari. Paimi cai pachataca pi mana cuyuchipacta sinchita ruhuarca. Paimi tucui gentecunataca cashcata ruhuashpa taripanga.

JOB 38:4

¿Ñuca cai pachata ruhuacucpica, maipitac carcangui? Allita entendic cashpaca huillaiyari.

SALMOS 33:6

Mandac Diosca rimashcallahuanmi jahua pachataca ruhuarca. Chaipi imalla tiyactapish, paipac samaihuanmi ruhuarca.

GÉNESIS 8:22

Cai pacha tucuringacamanca tarpushcapish, tamyapish, usyaipish, chiripish, cunucpish, tutapish, punzhapish manatac tucuringachu» nirca.

SALMOS 95:4

Allpa ucupi ima tiyaccunapish, jatun urcucunapish paipac maquipimi. Tucui caicunaca paipacmi.

SALMOS 93:1

¡Mandac Diosmi tucuita mandacun! Paica sumac achiclla churana churarishcami. Paica tucuita ruhuac cashcahuanmi churanata churarishca shina, chumbillishca shinapish can. Paimi cai pachataca pi mana cuyuchipacta sinchita ruhuarca.

SALMOS 89:12

Jahuaman tiyaccunatapish, uraman tiyaccunatapish canmi ruhuarcangui. Tabor urcupish, Hermón urcupish cambac shutitami cantangacuna.