SALMOS 23:4 - Dios Rimashcata Quillcashcami

⁴ Canca ñucahuanmi cangui. Chaimanta huañunalla amsa huaicuta ricushpapish imata mana manchashachu. Cambac taunahuan, cambac varahuan cuidashpami ñucaman fuerzata cungui.

SALMOS 23:4 Referans Kwoze

ISAÍAS 41:10

Ñucaca cancunahuanmi cani. Chaimanta ama manchaichicchu. Ñucaca cancunapac Diosmi cani. Chaimanta ama manchaichicchu. Ñucaca cashcata ruhuashpami cancunapac tucui causaipi ayudasha.

SALMOS 118:6

Mandac Diosca ñucahuanmi. Maijan ñucata llaquichinamantaca mana manchashachu.

SALMOS 138:7

Yalli llaquicuna chaupipi puricucpipish canmi ñuca causaita cuidangui. Ñucata piñaccuna yallita piñaricpipish, cambac alli maquihuanmi misashpa quishpichingui.

SALMOS 3:6

Ñucata piñaccuna ñuca muyundita huaranga huaranga shayaricpipish mana manchanichu.

SAN LUCAS 1:79

Amsapi causaccunatapish, purapi huañunalla causaccunatapish achicyachishpami, ñucanchicta sumac causai ñanta pushangami» nirca.

MIQUEAS 7:14

Can acllashcacunataca cambac taunahuan michiyari. Paicunaca alli quihua tiyac urcupimi paicunalla causacun. Utca huatacunapi shina, Basán, Galaad urcu quihuacunaman pushaiyari.

SALMOS 46:11

Tucuita Mandac Diosca ñucanchic-huanmi. Ñucanchic miticunaca taita Jacobopac Diosmi.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

SAN MATEO 1:23

Chai huillaccunaca: «Manarac carihuan chayarinacushca shuc solterami, huicsayuc tucushpa, shuc cari huahuata charinga. Chai huahuaca Emanuel shutimi canga» nishcami. (Emanuel nishpaca: «Dios ñucanchic-huan» nisha ninmi).

2 TIMOTEO 4:22

Apunchic Jesucristo canhuan cachun. Shinallatac Diosca paipac sumaimana cuyaita tucui cancunaman cushca cachun ninimi.

JEREMÍAS 2:6

Paicunaca: “¿Maipitac Egiptomanta ñucanchicta llucchimuc Mandac Diosca? Paica shitashca pambapipish, huañui japina amsapipish, chaquishca pambacunata, pipish mana purishca, pipish mana causashca llactatami ñucanchictaca pushamurca” nishpaca mana nircacunachu.

SALMOS 44:19

Shina cacpipish, chacal animalcuna sirinapimi shitarcangui. Manchana llanduhuanmi ñucanchictaca taparcangui.

SALMOS 14:5

Paicunaca cashcata ruhuaccunata Mandac Dios cuidacta ricushpami, manchaihuan chucchuncuna.

JOB 3:5

Chai punzhaca purayashca huañuna llandu cachun. Punzha purayashca shina, manchanayaita ruhuashpachari alli canman.

ZACARÍAS 11:10

Chaimantami ñuca tucui llactacunapi causaccunahuan ari nishcata paquingapac, chai Cuyai shuti taunata paquircani.

SALMOS 110:2

Mandac Diosca can mandana varataca Sión pueblomantami cachanga. Canta piñaccunapac chaupipimi mandanga.

JOB 24:17

Paicunamanca achic punzhaca pura tuta shinami. Paicunata pi ricsinataca, huañuchic amsata shinami manchancuna.

ZACARÍAS 8:23

Chai punzhacunapica tauca llactacunamanta chican rimaicunata rimac chunga runacunami shamunga. Paicunaca Judá llactamanta runata jahualla churanapi japirishpa: “¡Ñucanchicpish cancunahuan rinatami munanchic. Mandac Diosca cancunahuan cactami yachanchic!” ninga» nirca.

ZACARÍAS 11:14

Chai quipaca israelcunahuan, Judá llactapi causaccunahuan apanacuita tucuchingapacmi, Tandanacui shuti caishuc taunatapish paquircani.