SALMOS 22:12 - Dios Rimashcata Quillcashcami

¹² Ñucataca achca piña huagra shinami muyucuncuna. Basán llacta piñac huagracunapac chaupipi shinami cani.

SALMOS 22:12 Referans Kwoze

SALMOS 68:30

Macanacungapac tandanacuc gentecunata llaquichiyari. Llactapi causac becicuna shina gentecunapac chaupipi shayacuc piña huagracunata manchachiyari. Cullquiraicu llaquichiccunata llaquichiyari. Macanacushpa cushicuc gentecunata caita chaita cachaiyari.

HECHOS 4:27

Chashna nishca shinami, cai pueblota mandac Herodesca Poncio Pilatohuanpish, israelcunahuanpish, mana israelcunahuanpish jucha illac Jesusta llaquichingapac tandanacurca. Diosmi Jesustaca Cristo cachun cacharca.

SAN MATEO 27:1

Pacarimucucpimi, curacunata mandac curacunapish, israelcunata pushac yuyaccunapish Jesusta ima shina huañuchinata yuyarinacurca.

EZEQUIEL 39:18

Sinchi runacunapac aichatami micunguichic. Llactata mandaccunapac yahuartami ubianguichic. Paicunaca Basán urcupi huirayashca cari ovejacuna, maltón ovejacuna, cari chivocuna, huagracuna shinami.

JEREMÍAS 50:11

Caldeocunalla, ñuca llactata tucuchishpaca, cushicuihuan saltashpa, llullu quihuaman beci yaicushca shinami cushilla carcanguichic. Caballocuna huacacuc shinami caparicurcanguichic.

ISAÍAS 34:7

Paicunahuanmi sacha huagracunatapish, becicunatapish huañuchinga. Chaimantami paicunapac llactaca yahuarhuan, allpapish huirahuan chapurishca canga.

SALMOS 7:3

Ñucata Mandac Dioslla, ima millaita ruhuashca cacpi, ñuca maqui ima mana allita ruhuashca cacpi,

SALMOS 35:22

Mandac Dioslla, canllatacmi ricucungui. Ama upalla saquirichu. Jatun Dioslla, ama ñucamanta caruyaichu.

SALMOS 38:22

Ñucata quishpichic Jatun Dioslla, utca ayudaiyari.

SALMOS 40:14

Ñucata ima shinapish huañuchishun nishpa puriccunaca pingaichishca, mana valichishca cachun.

SALMOS 69:18

Ñuca ladoman shamushpa quishpichiyari. Ñucata piñaccunamanta pacaiyari.

SALMOS 70:2

Ñucata huañuchishun niccunaca pingaichishpa muspachishca cachun. Ñucata llaquichishun niccunaca pingaihuan cutishca cachun.