SALMOS 21:1 - Dios Rimashcata Quillcashcami

¹ ¡Mandac Dioslla, jatun mandacca can fuerzata cushcamantami cushicun! ¡Macanacuita mishachishcamantami yallita cushicun!

SALMOS 21:1 Referans Kwoze

HEBREOS 12:2

Jesusta ricuc shina catishunchic. Paimantami crinapish tiyan. Paillatacmi alli cric cachun pushan. Paica quipaman yallita cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai quipaca Diospac alli maquimanmi tiyaringapac rirca.

SAN MATEO 2:2

Paicunaca: —¿Israelcunata mandangapac huacharishca huahuaca, maipitac? Ñucanchicca inti llucshina ladopi, huahua huacharishcata ricuchic lucerotami ricushpa, alli ningapac shamunchic— nirca.

SALMOS 62:7

Diosca ñuca quishpichic, sumaimana achiclla Diosmi. Diosca ñuca miticuna sinchi rumimi.

SALMOS 28:7

Mandac Diosca ñucapac sinchi fuerza, ñuca jarcarina escudo shinami. Paitami ñuca shungupica shuyani. Chashna pai ayudashcamantami ñuca shungupi yallita cushicushpa, ñuca ruhuashca cantohuan paita cantacusha.

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.

SALMOS 99:4

Tucuita ruhuac Jatun Mandaclla, canca cashcata ricushpami mandangui. Cashcata ruhuanataca canmi callarichircangui. Canmi Jacobopac huahua huahuapurapica allita ricushpa mandashpa, imatapish cashcata ruhuacungui.

SALMOS 95:1

¡Mandac Diosta cushicushpa cantangapac shamuichic! Ñucanchic quishpichic jatun rumitaca yallita cushicushpa cantashunchic.

SALMOS 71:17

Sumac Dioslla, huambramanta pachami ñucataca yachachircangui. Chaimantami jatun mancharinacunata can ruhuashcataca huillacunilla.

SALMOS 63:11

Ashtahuanpish jatun mandacca Dios-huanmi cushicunga. Maijan cashpapish Diospac shutipi huillaccunaca alli nishcami canga. Mana allita rimaccunapac shimica huichcashcami canga.

SALMOS 20:9

¡Mandac Dioslla quishpichiyari! ¡Jatun mandaclla, ñucanchic mañashcata uyaiyari!