SALMOS 2:2 - Dios Rimashcata Quillcashcami

² Cai pacha jatun mandaccunapish, quipa mandaccunapish tandanacushpami Mandac Diostapish, aceitehuan cahuishca jatun mandactapish, mana cazushpa piñancuna.

SALMOS 2:2 Referans Kwoze

SAN MATEO 26:59

Curacunata mandac curacunapish, tandanacushca mandaccunapish, Jesusta huañuchingapacmi llullashpa huillaccunata mashcarca.

SAN MATEO 27:1

Pacarimucucpimi, curacunata mandac curacunapish, israelcunata pushac yuyaccunapish Jesusta ima shina huañuchinata yuyarinacurca.

SALMOS 45:7

Canca cashcata ruhuactami cuyangui. Millaita ruhuactaca piñanguimi. Chaimantami cambac Diosca can jatun mandacta acllashca. Mishquilla ashnacuc aceitehuan cahuishpami, canhuan puric caishuccunamanta yalli cushicuita cushca.

HECHOS 10:38

Diosca Nazaret pueblomanta Jesusman paipac Espirituta cushpami, poderyucta ruhuarca. Dios paihuan cashcamantami Jesusca maipipish allita ruhuashpa, llaquichic Satanás japishcacunatapish alliyachishpa purirca.

PROVERBIOS 21:30

Alli yachaipish, ima yuyaipish, ima cunashcapish Mandac Diostaca mana ati pudinchu.

SAN JUAN 1:41

Andresca paipac huauqui Simonhuanracmi tupangapac rirca. Shina rishpaca: —Ñami Mesias-huan tuparcanchic— nirca. (“Mesías” nishpaca, “Quishpichic Cristo” nisha ninmi).

SALMOS 74:23

Canta piñaccuna caparicuctaca ama cungarichu. Huaicashpa canman uyarictami camincuna.

SALMOS 48:4

Tucui cai pachata jatun mandaccunami tandanacushpa macanacungapac shamurca.

SALMOS 2:10

Jatun mandaccunalla, cunanca allita yuyarishpa causaichic. Llactacunata mandaccunapish ñuca cunashcata chasquichicyari.

SAN JUAN 3:34

Dios cachashcami, Dios rimashcata riman. Diosca yallitami paipac Espirituta cushca.

SALMOS 89:20

Ñucata servic Davidta japishpami, ñucapaclla cachun aceitehuan cahuircani.

SALMOS 74:18

Mandac Dioslla, canta piñaccuna canta camishcataca amatac cungaringuichu. Imatapish mana entendic gentecunami canta camincuna.

ÉXODO 16:7

Tutamantaca Mandac Diospac podertami ricunguichic. Mandac Diosca cancuna rimarishcataca uyashcami. Cancunaca ñucanchic pi cashcata mana yachashpami, chashna rimaricunguichic— nirca.

HEBREOS 1:9

Canca cashcata ruhuanatami munangui. Mana allita ruhuanataca piñashcanguimi. Chaimantami cambac Dios ñucaca, caishuccunamanta yalli canman cushicuita cungapac canta acllashcani nini” ninmi.

SAN JUAN 15:23

Maijanpish ñucata piñaccunaca, ñuca Taitatapish piñanmi.

SAN LUCAS 13:31

Chai punzhallatacmi maijan fariseocuna Jesuspacman chayamushpaca: —Mandac Herodesmi canta huañuchisha nicun. Caimanta utca rilla— nirca.

SAN MATEO 2:16

Herodesca yachaccuna umashcamantami, munai piñarishpa, tucui muyundi Belén llactapi causac, manarac ishcai huatata charic cari huahuacunata huañuchichun mandarca. Chashnami yachaccuna lucerota ricushca punzhamanta ñaupaman huacharishca huahuacunata huañuchichirca.

ISAÍAS 61:1

Mandac Diosmi ñucataca aceitehuan cahuirca. Chaimantami paipac Espíritu ñucapica causan. Ñucataca llaquilla causaccunaman alli huillaita huillachun, shungu paquirishcacunata ayudachun, prezumanta llucchinata huillachun, carcelpi tiyacuccunaman paicuna llucshina chayamucushcata huillachunmi cacharca.

SALMOS 110:5

Mandac Diosca cambac alli ladopimi tiyacun. Pai piñashca cai punzhacunapica jatun mandaccunatami tucuchinga.

HECHOS 9:4

Chaimanta Saulo pambaman urmashpaca: —Saulo, Saulo, ¿ima nishpatac ñucata llaquichicungui?— nishcatami uyarca.

SAN MATEO 26:3

Chai punzhami Israel curacunata mandac curacunapish, pushac yuyaccunapish, curacunata jatun mandac Caifaspac huasipi tandanacushpa,

SALMOS 48:5

Shina shamushpapish chai pueblopi Dios causacushcata ricushpami imatapish mana ruhuai pudishpa, cutishpa callparcacuna.

SALMOS 83:6

Carpa huasicunapi causac edomitacunapish, ismaelitacunapish, moabitacunapish, agarenocunapish,