SALMOS 19:8 - Dios Rimashcata Quillcashcami

⁸ Mandac Dios mandashcacunaca cashcata ruhuac cashpami shungutapish cushichin. Mandac Dios yachachishca mandashcacunaca chuya cashpami ñahuitapish pascan.

SALMOS 19:8 Referans Kwoze

SALMOS 12:6

Mandac Diospac shimicunaca hornopi canchis cutin rupachishpa tucui mapata anchuchishca chuya cullqui shina mapa illacmi.

SALMOS 119:105

Can rimashcaca ñuca chaqui sarunata achicyachicmi. Ñuca ñanta ricuchic luzmi.

JEREMÍAS 15:16

Tucuita Mandac Dioslla, can rimashcata uyashpaca tucui micuc shinami chasquircani. Can rimashcaca ñuca shunguta yallita cushichicmi carca. Ñucaca cambac shutipi cayashcami cani.

PROVERBIOS 30:5

Mandac Dios rimashca shimicunaca jucha illacmi. Diosca paipi shunguta churaccunapac jarcarina escudomi.

SALMOS 119:128

Chaimantami tucui can mandashcacunataca huacaichircani. Llulla causaitaca piñanimi.

PROVERBIOS 2:6

Mandac Diosmi alli yachaitaca cun. Paipac shimimi allita yachachin, allita entendichin.

SALMOS 119:92

Can mandashcacuna ñucata mana cushichishca cacpica, ñucaca llaquipi huañuimanmi carcani.

SALMOS 119:80

Mana pingaichishca cangapacca can mandashcacunata tucui shunguhuan allita pactachicta ruhuaiyari.

PROVERBIOS 6:23

Chai mandashcaca lámpara shinami. Yachachishcaca luz shinami, cunashpa rimashcacunaca causaiman apac ñan shinami.

ROMANOS 7:22

Ñuca shungupica Diospac mandashcacunahuanmi yallita cushicuni.

GÁLATAS 2:19

Mandashcacunata ruhuangapacca huañushca shinami cani. Shina cashpapish mandashcallatacmi Diospaclla causachun mandarca.

ROMANOS 3:20

Mandashcacunata pactachishcallamantaca pipish Diospac ñaupapi mana chasquishcachu canga. Ashtahuanpish mandashcacunaca juchayuc cashcata ricuchingapacmi can.

ROMANOS 7:7

Shina cacpica, ¿imatatac nishun? ¿Mandashcacunaca juchami nishunchu? ¡Mana chashnachu! Shina cacpipish, mandashcacuna mana tiyashca cacpica, ñucaca imami jucha cashcata, mana yachaimanchu carcani. Mandashcacunapi «Ama shucpac charishcata munanguichu» mana nicushca cacpica, shucpac charishcata munana jucha cashcataca mana yachaimanchu carcani.

SALMOS 119:16

Quillcashpa mandashcacunahuanmi cushicuni. Cambac rimashcacunataca manatac cungarishachu.

SALMOS 119:14

Ima shina causanata can yachachishcata yachacushpaca tucui charishcacunamanta yallimi cushicurcani.

EZEQUIEL 36:27

Cancunaman ñuca Espirituta cucpimi, ñuca mandashcacunatapish, pactachinacunatapish pactachishpa causanguichic.

SALMOS 119:171

Can quillcashpa mandashcacunata yachachicpica, cantaca mana shaicushpami alabasha.

SALMOS 119:143

Llaqui huacaicuna japicpipish, can mandashcacunahuanmi cushicurcani.

SALMOS 119:130

Can yachachishpa rimashcaca achicyachinmi. Imata mana yachaccunamanpish alli yuyaita cunmi.

SALMOS 119:121

Ñucaca cashcata ruhuashpami allita ruhuarcani. Ama ñucata piñaccunapac maquipi saquichu.

SALMOS 119:40

Riqui, ñucaca can mandashcacunata yachanatami munani. Canca imatapish cashcata ruhuashcahuan causaita cuiyari.

SALMOS 119:12

¡Mandac Dioslla, canca alli nishcami cangui! Can mandashcacunata yachachiyari.

SALMOS 105:45

Chaica quillcashpa mandashcacunatapish, pai rimashcacunatapish pactachichunmi chashnaca curca. ¡Mandac Diosta alabaichicyari!

SALMOS 40:8

“Ñuca Dioslla, cambac munaita ruhuashpami cushicuni. Can mandashcataca ñuca shungupimi huacaichini” ninmi» nircani.

SALMOS 13:3

¡Mandac Dioslla, ñucata ricushpa uyaiyari! Achic punzhata ricuchun saquiyari, huañuchunca ama saquichu.

ÉXODO 18:16

Paicunaca ima llaquita charishpapish ñucaman huillangapacmi shamun. Chaimantami caishucman chaishucman Dios mandashcatapish, yachachishcatapish ricuchishpa, allichini— nirca.

GÉNESIS 26:5

Abrahamca ñuca rimashcata uyashpami, ñuca nishcatapish, mandashcacunatapish, imata ruhuachun nishcacunatapish, yachachishcatapish pactachirca— nirca.

GÁLATAS 3:21

Shina cacpica, ¿mandashcacunaca Dios cusha nishcata chingachingapacchu canga? ¡Mana chashnachu yuyana canchic! Moisés mandashcacunata pactachishpa causanalla cacpica, maijanpish chai mandashcacunata pactachishpaca, Dios-huan alli tucunmanllami.

ISAÍAS 64:5

Cushicuihuan cashcata ruhuaccunahuan, canta yuyarishpa causaccunahuan tupangapac llucshircanguimi. Riqui, ñucanchic juchata ruhuashcamantaca piñarircanguimi. Cai tucui huatacunatami juchallata ruhuashpa catircanchic. Chashna cashpaca, ¿quishpirishunchu?

SALMOS 119:54

Caru llactapi puricucpica, can mandashcacunaca ñucamanca cantanami carca.

SALMOS 119:24

Ima shina causanata can yachachishcacunaca cushichinmi, shinallatac alli yuyaitapish cunmi.

NEHEMÍAS 9:13

Sinaí urcuman shamushpami, jahua pachamanta rimarcangui. Chaipimi cashcata nic yachachishcacunatapish, mana llullac mandashcacunatapish, allita pactachinacunatapish, mandashcacunatapish curcangui.

NEHEMÍAS 8:12

Paicunaman yachachishca shimicunata entendishpami, tucui gentecuna micushpa, ubiashpa, shuccunamanpish carashpa, yallita cushicungapac rircacuna.

DEUTERONOMIO 16:14

Chai fiestapica cancunapac churicunahuan, ushicunahuan, servic caricunahuan, servic huarmicunahuan, chaipi causac levitacunahuan, shuctac llacta runacunahuan, taita mama illaccunahuan, cancunapac llacta causac viudacunahuan cushicunguichic.

DEUTERONOMIO 16:11

Mandac Dios paipac shutita causachun acllashca pushtupimi paipac ñaupapi cancunapac churicunahuan, ushicunahuan, servic caricunahuan, servic huarmicunahuan, cancunapac llactapi causac levitacunahuan, shuctac llacta runacunahuan, taita mama illaccunahuan, cancunapac llactapi causac viudacunahuan cushicuna canguichic.

2 REYES 17:37

Pactachichun ñuca cushca shimicunata, alli causachun yachachishcacunata, quillcashpa mandashcacunata alli yuyarishpami pactachina canguichic. Shuctac dioscunata ama manchanguichicchu.

SALMOS 93:5

Mandac Dioslla, cambac yachachishcaca mana paquipacmi. Cambac huasipish huiñaitami cambaclla canga.

SALMOS 111:7

Pai ruhuashcacunapica ima llulla mana tiyanchu. Cashcallata ruhuashcami. Pai mandashcacunaca ima pandaita mana charinchu.