SALMOS 19:5 - Dios Rimashcata Quillcashcami

⁵ Intica cunanlla cazarashca sueñuna ucumanta llucshic shinami llucshicun. Shina llucshishpaca callpai callaricuc runa shinami cushicun.

SALMOS 19:5 Referans Kwoze

ISAÍAS 62:5

Carihuan manarac chayarishca solterahuan, cunan huiñai moso cazarashca shinami, caipi causaccunapish, canhuan cazarashca shina causanga. Shuc cusa paipac huarmihuan cushicuc shinami, Diospish canhuan cushicunga.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

SAN JUAN 3:29

Shuc bodapica, noviaca noviopacmi. Noviopac ricsishcaca, novio rimashcata uyashpaca cushicunmi. Shinallatacmi ñucapish Novio rimashcata uyashpaca, yallita cushicuni.

ECLESIASTÉS 1:5

Intica llucshinmi, cutin tigranmi. Pai maipi cashcaman cutinmi. Chaimanta cutin llucshinmi.

JOB 38:13

¿Canchu achicyachictaca tucui allpata achicyachishpa, Diosta mana manchaccunata maita cachachun ricuchircangui?