SALMOS 19:13 - Dios Rimashcata Quillcashcami

¹³ Shinallatac canta servic ñucataca jatun tucuna yuyaimanta cuidangui. Chai yuyai shamushpa, ñucata mishachunca ama saquinguichu. Chashna cuidacpimi, ima pandata mana ruhuasha. Shinallatac canta mana cazushpa mana juchallisha.

SALMOS 19:13 Referans Kwoze

SALMOS 119:133

Can yachachishca shina ñucataca pushaiyari. Imapish juchacuna ñucata mishachunca ama saquichu.

HECHOS 24:16

Chaimantami ñucaca Diospac ñaupapipish, gentecunapac ñaupapipish mana juchanchishca alli causanata munani.

1 SAMUEL 25:39

Nabal huañushcata David yachashpaca: «¡Mandac Diosca alli nishca cachun! ¡Nabaltaca ñucata rimashpa pingaichishcamantami llaquichishca! ¡Mandac Diosmi paita servic ñuca mana allita ruhuanamantaca jarcarca! ¡Mandac Diosllatacmi, Nabal mana allita ruhuashcamantaca paillatatac llaquichirca!» nirca. Chai quipami Davidca Abigaíl huarmihuan cazarangapac rimachun cacharca.

SALMOS 7:10

Diosmi escudo shina jarcacun. Shungumanta cashcata ruhuaccunataca paimi quishpichin.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

GÉNESIS 20:6

Shina nicpimi, Mandac Diosca muscuipi ricurishpaca: «Ari, can alli shunguhuan chashna ruhuashcataca yachanimi. Chai huarmipi chayarishpa, ñuca mandashcata paquishpa, juchallichunpish cantaca mana saquircanichu.

2 PEDRO 2:10

Tucuimanta yallica Mandac Diosca, pai Mandac cachun mana chasquiccunata, mana alli munaihuan catic imapish mapata ruhuaccunatami llaquichinga. Paicunaca mana cazuccuna, imapipish cariyaccuna, shinallatac poderta charic jahua pachamanta mandaccunatapish mana manchashpa camiccuna can.

SALMOS 18:23

Paipac ñaupapi allita ruhuashpami, tucui millaimanta huacaichirishpa causarcani.

SALMOS 11:7

Mandac Diosca cashcata ruhuac cashcamantami imatapish cashcallata ruhuachun munan. Paipac ñahuitaca cashcata ruhuaccunallami ricunga.

ÉXODO 21:14

Maijanpish shuctac runata piñashpa, cungailla huañuchicca, ñuca altarmanta llucchishpa, huañuchishcami cana can.

LEVÍTICO 4:2

«Israelcunataca: “Maijanpish mana yachashcamanta Mandac Dios ñuca ama ruhuanguichu nishpa mandashcacunamanta maijan shucta mana pactachishpa, juchallicca caitami ruhuana can:

LEVÍTICO 4:13

Tandanacushca israelcuna mana yachashcamanta Mandac Dios ama ruhuachun nishcacunata ruhuashpaca, tucui gentecuna mana yachacpipish, juchayucmi tucun.

LEVÍTICO 4:22

Israelcunata maijan pushac mana yachashcamanta Dios ama ruhuachun nishpa mandashcacunata ruhuashpaca juchayucmi tucun.

LEVÍTICO 4:27

Maijanpish mana yachashcamanta Mandac Dios ama ruhuachun nishpa mandashcacunata ruhuashpaca juchayucmi tucun.

JOB 34:32

Ñuca mana ricushcacunata yachachi, ñaupaman mana alli ruhuashcacunata, ña mana ashtahuan ruhuashachu” ninami cangui.