SALMOS 19:12 - Dios Rimashcata Quillcashcami

¹² ¿Pitac paillatac pandarishcataca yachai pudinyari? ¡Mandac Dioslla, ñuca mana yuyarishca juchacunataca perdonaiyari!

SALMOS 19:12 Referans Kwoze

SALMOS 90:8

Ñucanchic millaita ruhuashcataca cambac ñaupapimi ricuchingui. Ñucanchic pacalla ruhuashca juchacunapish, cambac ñahuipi tucuimi ricuricun.

JOB 6:24

Ñuca upalla cachunca yachachichicyari. Ñuca pandarishca cacpica ricuchichicyari.

JEREMÍAS 17:9

Runapac shunguca tucuita atishpa llullashpa umacmi. ¿Chaitaca pitac entendinga?

SALMOS 40:12

Ñucataca mana yupaipac llaquicunami chaupinchishca. Millaita ruhuashcamantami cashna llaqui tucuni. Huichai ricunallatapish mana pudinichu. Llaquicunaca ñuca uma acchatapish yalli achcamari. Ñuca shungupish ña huañucunmi.

1 CORINTIOS 4:4

Ñuca yuyaipipish ima mana allita ruhuashcata mana yuyanichu. Shina cashpapish, “jucha illacmi cani” mana ninichu. Ñucataca Apunchic Jesucristomi taripanga.

1 JUAN 1:7

Ashtahuanpish achic luzpi causacushpaca, caishuc chaishuc-huan shucllami canchic, shinallatac paipac Churi Jesucristopac yahuarca tucui juchacunatami pichan.

HEBREOS 9:7

Ashtahuanpish chai quipa ucumanca jatun mandac curallami huatapi shuc cutin yaicuc carca. Paicunaca quiquin juchamantapish, gentecuna mana yachashcamanta juchata ruhuashcamantapish animalta huañuchishca yahuarta Diosman cungapacmi yaicuc carca.

SALMOS 139:6

Cambac yachaica sumaimanami. Canca jatun yachacmi cangui. Cambac yachaitaca mana entendinichu.

ISAÍAS 64:6

Tucui ñucanchicmi mapayashca runa shina canchic. Ñucanchic cashcata ruhuashcapish mapa llachapa shinami. Tucui ñucanchicmi chaquishca panga shina urmashcanchic. Ñucanchic mana allita ruhuashcallatacmi huaira shina aparca.

SALMOS 139:2

Ñuca tiyarinatapish, ñuca jatarinatapish canmi ricsingui. Carumantami ñuca imata yuyacushcatapish yachangui.

SALMOS 51:2

Ñuca mapata ruhuashcataca cutinpish cutinpish pichaiyari. Ñuca juchacunataca anchuchiyari.

SALMOS 65:3

Ñuca juchacunallatacmi ñucataca aticun. Shina cacpipish canca perdonanguimi.

ÉXODO 24:12

Mandac Diosca Moisestaca: —Ñucahuan tupangapac urcuman shamushpa, chaipi shuyai. Chaipimi tabla rumipi ñuca mandashcacunatapish, israelcunata yachachishcacunatapish cusha— nirca.

DEUTERONOMIO 5:29

¡Paicunaca shungumanta manchashpa, tucui punzhacuna tucui ñuca mandashcacunata cazushpa causashpami alli canman! Shina ruhuashpami, paicunapish, paicunapac huahuacunapish tucui causaipi alli canga.

DEUTERONOMIO 5:32

Mandac Dios mandashca shina tucuita pactachinguichic. Allimanpish, lluquimanpish mana ladoyashpa, catinguichic.

PROVERBIOS 13:13

Shinallatac mandashcata millanayachicca jatun llaquitami apanga. Ashtahuanpish mandashcata manchashpa cazuc runaca allitami japinga.