SALMOS 19:11 - Dios Rimashcata Quillcashcami

¹¹ Canta servic ñucaca chai shimicunahuanmi cunashca cani. Chaicunata cazucpica sumac japinami tiyan.

SALMOS 19:11 Referans Kwoze

2 JUAN 1:8

Chashna cashcamantami cancunaca imalla ruhuashcamanta japina cashcata mana chingachishpa, tucui japina yuyailla cana canguichic.

SALMOS 119:11

Juchallishpa canta mana llaquichingapacca ñuca shungupimi, can rimashcacunata huacaichircani.

SANTIAGO 1:25

Ashtahuanpish huatashca shina cashcamanta cacharichic, Dios mandashpa rimashca shimita uyashpa, mana cungarishpa, shungupi huacaichicca imata ruhuashpapish cushicungami.

PROVERBIOS 29:18

Dios huillashcata mana pi huillacpica, quiquin munashcata ruhuashpami chingarin. Ashtahuanpish mandashcacunata pactachic runaca yallitami cushicun.

SAN MATEO 6:4

Can chashna pacalla ayudacpica, pacallata ricuc Diosca, can japina cashcataca cungami.

APOCALIPSIS 14:13

Cutin jahua pachamanta shuc rimashca uyarishpaca: «Caita quillcai: Caimanta quipaman Apunchic Jesus-huan shuclla tucushpa huañuccunamanca, ¡mai cushicuimi canga! Diospac Espiritupish: Ari, chashnami can. Paicuna ima ruhuacushcamantaca samaringacunami. Paicuna ima ruhuashcapish paicunahuanmi canga» nishcatami uyarcani.

HEBREOS 11:26

Egipto llactapi achcata charic canatapish saquishpami, Cristo shinallatac llaquita apanata ashtahuan munarca. Chaica Dios cuna cashcata japina yuyailla cashpami, chaita munarca.

1 TESALONICENSES 5:14

Shinallatac cuyashca criccuna, chai quilla runacunatapish rimaichic, llaquilla caccunataca cushichichic, manarac sinchi criccunatapish yachachichic. Shinallatac tucuihuan sumacta caichic.

SAN MATEO 3:7

Achca fariseocunapish, saduceocunapish bautizaringapac shamucpimi Juanca: «¡Culebra shina gentecuna! Dios cachashca llaquimanta quishpirinataca, ¿pitac huillarcayari?

1 CORINTIOS 4:14

Mana cancunata pingaichingapacchu caicunataca quillcanchic, ashtahuanpish ñuca cuyashca huahuacunata cunac shinami cashna rimani.

HECHOS 20:31

Chaimanta alli yuyaihuan caichic. Ñucaca quimsa huatacamanmi tutapish, punzhapish mana samarishpa, tucui cancunata shucllancaman huacashpa cunacurcani.

SAN MATEO 6:18

Chaica gentecuna ama ricuchunmi chashnaca ruhuana canguichic. Chashna ruhuacpimi, ima pacallatapish ricuc Diosca cancuna japina cashcata cunga.

PROVERBIOS 11:18

Diosta mana manchac runa trabajashpa imata japishcaca yangallami. Ashtahuanpish tarpuc shina cashcata ruhuac runaca mana tucuriclla allicunatami japinga.

2 CRÓNICAS 19:10

Caishuc pueblopi causac cancunapac huauquicuna huañuchishca jahua, mana cashpaca mandashca, imata ruhuachun yachachishcacunata, mandashpa quillcachishcacunata mana cazushca jahua huillangapac shamucpica, cancunamanpish, cancunapac huauquicunamanpish Diospac rabia ama urmachunmi, Mandac Diosta llaquichishpa ama juchallichicchu nishpa allita rimana canguichic. Cashna cancuna ruhuashpaca, mana juchanchishcachu canguichic.

SAN MATEO 6:6

Canta Diosta mañashpaca, ucuman yaicushpa, punguta huichcashpa canta Mandac Diosta pacalla mañai. Chashna mañacpica, pacallata ricuc Diosca, can japina cashcata cungami.

SALMOS 119:72

Ñucamanca can mandashcacunaca huaranga huaranga curitapish, cullquitapish yalli allimi.

SALMOS 119:103

¡Cambac rimashcacunaca ñuca callupica mai mishquimi! ¡Mishquitapish yalli mishquimi!

PROVERBIOS 24:14

Chashnallatac cambac almapac allipac alli yachacuiyari. Chashna yachacucpica, shamuc punzhacunaca allimi canga. Can shuyacushcapish mana yangachu canga.

EZEQUIEL 3:3

Chaimantaca: «Huañunalla runa, canman cushca cai pillushca quillcata micushpa, cambac huicsapi jundachi» nirca. Chaita micucpica, ñuca shimipica abeja mishqui shinami, mishqui carca.