SALMOS 18:9 - Dios Rimashcata Quillcashcami

⁹ Jahua pachata pascashpami urai shamurca. Paipac chaqui ucupica amsa puyumi tiyarca.

SALMOS 18:9 Referans Kwoze

DEUTERONOMIO 33:26

¡Jesurunpac Dios shinaca, mana shucca tiyanchu! Paica, jatun cashcahuanmi puyu jahuapi tiyarin. Paica canta ayudangapacmi jahua pachapi tiyarin.

APOCALIPSIS 20:11

Chai quipaca shuc jatun yuranlla mandashpa tiyarinapi shuc tiyacuctami ricurcani. Paipac ñaupamantaca cai pachapish, jahua pachapish tucui chingarishpami maipi mana ricurirca.

2 PEDRO 3:10

Shina cashpapish Apunchic Jesús cutimuna punzhaca shuc shuhuac shamuc shinami canga. Jahua pachaca jatun manchanayaipac tulun nishca uyaricpimi chingaringa. Chaipi ima tiyaccunapish ninahuanmi tucuchishca canga. Shinallatac cai pacha allpataca, caipi tiyaccunandimi Dios taripashpa rupachinga.

HEBREOS 12:26

Ñaupa punzhacunapica, Diosca pai rimashcahuanmi cai pachata chucchuchirca. Ashtahuanpish cunan chucchuchinamanta rimashpaca: «Mana cai pachallatachu chucchuchisha, jahua pachatapish chucchuchishami» ninmi.

SAN JUAN 13:7

Shina nicpimi Jesusca: —Ñuca cashna ruhuacushcataca manarac entendinguichu, quipamanmi entendingui— nirca.

MARCOS 15:33

Chaupi punzhamanta quimsa horas chishicamanmi, tucui cai pachaca amsayarca.

SAN MATEO 24:29

Chai llaqui punzhacuna tiyashca quipaca, intipish amsayangami, quillapish mana achicyachingachu. Lucerocunapish urmangami. Jahua pachapi tiyac jatuncunapish chucchungami.

JOEL 3:16

Mandac Diosca Sión urcumantami león huacac shina caparinga. Pai rimashcaca Jerusalenmantami uyaringa. Jahua pachapish, cai pachapish chucchungami. Shina cacpipish, Mandac Diosca pai acllashca israelcunata cuidangami. Paica miticuna sinchi torre shinapishmi canga.

2 SAMUEL 22:10

Jahua pachaca, cumurishpami urai shamurca. Paipac chaqui ucupica, amsami carca.

ISAÍAS 51:6

Jahua pachata huichailla ricuichicyari. Cai pachatapish urai ricuichicyari. Jahua pachaca cushni shinami chingaringa. Allpaca churana maucayac shinami tucuringa. Cai pachapi causaccunaca chuspicuna shinami tucuringa. Shina cacpipish, ñucaca huiñaitami quishpichisha. Ñuca cashcata ruhuanaca manatac tucuringachu.

SALMOS 68:4

¡Diosta cantaichic! ¡Paipac shutita salmocunahuan cantaichic! ¡Caballopi montashpa puyu jahuata puricta jatunyachichic! ¡Paipac shutica Mandac Diosmi! ¡Paipac ñaupapi cushicuichic!

ÉXODO 19:18

Mandac Dios nina chaupita urcuman urai shamushcamantami chai urcuca hornota cushni tapashca shina carca. Tucui chai urcumi yallita chucchucurca.

SALMOS 50:3

Ñucanchic Diosca mana upalla shamungachu. Paipac ñaupataca tucuchic ninahuan, paipac muyunditaca acapana huairahuanmi shamunga.

SALMOS 97:3

Paipac ñaupataca ninami ringa. Chai ninami paita piñaccunataca muyushpa tucuchinga.

ISAÍAS 66:15

Mandac Diosca yallita piñarishpa, ninahuan jarcashpa yallita llaquichingapacmi rupacuc nina chaupipi, jatun acapana huaira shina, callpac carretacunahuan shamunga.