SALMOS 18:49 - Dios Rimashcata Quillcashcami

⁴⁹ Chaimantami Mandac Dioslla, tucui llacta gentecunaman canmanta huillasha. Cambac shutitaca salmocunahuanmi cantacushalla.

SALMOS 18:49 Referans Kwoze

ROMANOS 15:9

Cristoca Dios quillcachishcapi nishca shina, mana israelcunatapish Diosta alli nichunmi shamurca. Dios quillcachishcapica: «Chaimantami tucui llactacunapi canta pagui nisha. Cambac shutitapish cantashami» ninmi.

1 TIMOTEO 6:13

Cantaca tucui cai pachapi causaita cuc Diospac ñaupapi, shinallatac mandac Pilatoman cashcata nishpa allitac huillac Jesucristopac ñaupapimi, caicunataca mandani.

SAN MATEO 26:30

Himnota cantashca quipami, Olivos urcuman rircacuna.

SALMOS 138:4

Mandac Dioslla, can nishcacunata uyashcamantami cai pachapi causac tucui jatun mandaccunaca alli ningacuna.

SALMOS 108:3

Mandac Dioslla, tucui gentecunapac chaupipimi alabasha. Shuctac llactacunapac chaupipimi salmocunata cantasha.

SALMOS 108:1

Dioslla, ñuca shunguca canta cantana yuyaillami. Ñuca almahuanmi salmocunata sumacta cantashpa cushicuni.

SALMOS 30:12

Ñuca Dioslla, chaimantami mana upallashpa cantacushalla. Ñucata Mandac Dioslla, huiñaitami alabacushalla.

SALMOS 14:7

¡Israelcunata quishpichicca Sionmanta shamushpachari alli canman! Mandac Diosca, pai acllashca israelcunapuramanta prezu apashcacunata cutichimushpami alli canman. Chaipica Jacobopac tucui huahua huahua israelcunami cushicunga.

SALMOS 57:9

Jatun Dioslla, tucui gentecunapac chaupipimi canta alabasha. Tucui llactacunapac chaupipimi salmocunata cantasha.