SALMOS 18:34 - Dios Rimashcata Quillcashcami

³⁴ Paimi jatun macanacuipi macanacuchunpish ñuca rigracunata yachachin. Chashna yachachicpimi, bronce arcotapish cachari pudini.

SALMOS 18:34 Referans Kwoze

SALMOS 144:1

Ñuca miticuna jatun rumi shina Mandac Diosca alli nishca cachun. Paimi ñuca maquitapish, dedotapish jatun macanacuipi macanacuchun yachachin.

SALMOS 46:9

Tucui llactacunapi macanacuita tucuchishpami, arcocunatapish, lanzacunatapish paquishpa tucuchishca. Macanacuna carretacunatapish tucuimi ninapi rupachishca.

2 SAMUEL 22:36

Quishpirina escudotami ñucaman curcangui. Cambac cuyaihuanmi ñucata jatunyachishcangui.

ISAÍAS 45:1

Mandac Diosmi Cirotaca aceitehuan cahuishpa mandac cachun churarca. Paitami alli lado maquimanta aisashpa, shuc llactapi causaccunata cumurichichun, jatun mandaccuna chumbillirishcata surcuchichun apamurca. Shinallatac paipac ñaupapi pungucuna pascashca saquirichunmi chashnaca apamurca. Mandac Diosca paitaca:

ISAÍAS 28:6

Paica allita ricushpa mandaccunamanca cashcata ruhuana yuyaitami cunga. Llacta pungupi cuidac soldadocunataca yallitami sinchiyachinga.

JEREMÍAS 49:35

«Tucuita Mandac Dios ñucaca: Elam llactapi causaccunaca arcohuan sinchita macanacuccunami. Chai arcocunataca paquigrinimi.

OSEAS 1:5

Chai punzhallatacmi israelcunapac flechacunata Jezreel pugru pambapi paquisha» nirca.

HABACUC 3:19

¡Mandac Diosca ñuca jarcarina sinchi torre shinami! Paica ñuca chaquicunata tarugapac chaqui shinata ruhuashpami, jahua urcucunata purichinga.