SALMOS 18:21 - Dios Rimashcata Quillcashcami

²¹ Ñuca Mandac Dios mandashca shinami paimanta mana caruyashpa causarcani. Ñuca Diosmantaca mana caruyarcanichu.

SALMOS 18:21 Referans Kwoze

SALMOS 119:102

Canmi ñucata yachachic cangui. Chaimantami can yachachishcamantaca manatac anchurircani.

1 JUAN 2:19

Chaicunaca ñucanchicpuramanta llucshishca cashpapish, mana ñucanchicpuratachu carcacuna. Ñucanchicpura cashca cashpaca, ñucanchicmantaca mana llucshinmanchu carcacuna. Chaicunaca mana ñucanchicpura cashcata ricuchunmi, chashnaca llucshirca.

HECHOS 24:16

Chaimantami ñucaca Diospac ñaupapipish, gentecunapac ñaupapipish mana juchanchishca alli causanata munani.

PROVERBIOS 8:32

Cunanca huahuacuna uyaichic: Ñuca yachachishcacunata cazuccunaca cushicunmi.

SALMOS 26:1

Mandac Dioslla, ñucata cashcata ruhuailla. Ñucaca ima pandata mana ruhuashpa causashcanichu. Chashnallatac can Mandac Diospimi shunguta churarcani. Canmantaca mana anchurishachu.

1 TESALONICENSES 2:10

Ñucanchicca cancunahuan cashpaca, jucha illac, cashcata ruhuac, pipish mana juchanchipacmi carcanchic. Chaitaca cancunapish yachanguichicmi, shinallatac Diospish yachanmi.

SALMOS 17:4

Mana shuccuna shina millaita rimanichu. Cambac mandashca shimicunata cazushpami millaicunapac ñantapish mana catircani.

2 CRÓNICAS 34:33

Josiasca israelcunapac llactataca chuyanllatami ruhuarca. Chashna ruhuashpami Israel llactapi tucui causaccunataca paicunata Mandac Diosta servichun mandarca. Josiasca paipac tucui causaipimi ñaupa taitacunata Mandac Diosmantaca mana anchurishpa, paillata catishpa causarca.

1 SAMUEL 15:11

—Saulta jatun mandac cachun churashcamantaca yallitami llaquirini. Paica ñucamanta anchurishpami ñuca mandashcataca mana pactachirca— nirca. Shina nicpimi, Samuelca yallita llaquirishpa Mandac Diostaca tucui tuta mañarca.

2 CRÓNICAS 20:32

Paipac taita Asa causashca shinallatacmi chai ñanmanta mana anchurishpa, Mandac Diospac ñaupapica allita ruhuashpa causarca.

SALMOS 7:9

Cashcata ruhuac Diosmi cangui. Gentecunapac shungutapish, yuyaitapish tucuitami yachangui. Millaita ruhuaccunataca chingachiyari. Ashtahuanpish cashcata ruhuactaca pi mana cuyuchipacta chariyari.

DANIEL 6:23

Shina nicpimi, jatun mandacca yallita cushicushpa, Danielta chai jutcumanta llucchichun mandarca. Shina mandacpimi, Danieltaca chai jutcumanta llucchirca. Danielca Diospimi shunguta churarca. Chaimantami chai leoncuna causana jutcupica ima mana tucurca.