SALMOS 18:19 - Dios Rimashcata Quillcashcami

¹⁹ Paica ñucata cuyashcamantami jatun pambaman llucchishpa quishpichirca.

SALMOS 18:19 Referans Kwoze

SALMOS 118:5

Ñuca llaquihuan cashpa Mandac Diosta mañacpica, paica uyashpami, ima llaqui mana tiyac pushtupi churarca.

SALMOS 31:8

Piñacpac maquipica mana churarcanguichu. Ashtahuanpish ñuca chaquicunataca pi mana llaquichina pushtupimi churarcangui.

SALMOS 18:36

Ñuca chaquicuna ama lluchcarichunmi ñuca purina ñantapish allichingui.

SALMOS 40:2

Paimi ñucataca llaquihuan jutcupi huañucucta llucchirca. Ñucata aguachicuc guzumantami llucchirca. Chaimanta llucchishpaca ñuca chaquicuna sinchita purichunmi jatun rumi jahuapi churarca.

JOB 36:16

Chashnallatacmi cantapish llaqui causaimanta llucchishpa, ima llaqui mana tiyac pushtuman apashpa, miza junda micunatapish cunga.

SALMOS 37:23

Mandac Diosmi runa ima shina causanataca ricuchicun. Allita ruhuac runataca alli ningami.

1 REYES 10:9

Canta Mandac Diosca alli nishca cachun. Paica canta alli nishpami, israelcunata mandashpa tiyarinapi churashca. Mandac Diosca israelcunata cuyashpami, cantaca jatun mandac cachun churarca. Tucuipac allita, imatapish cashcata ruhuashpa mandachunmi churarca» nirca.