SALMOS 18:14 - Dios Rimashcata Quillcashcami

¹⁴ Piñaccunataca paipac rayohuanmi caita chaita callpachirca. Paipac relampahuanmi paicunataca tucuchirca.

SALMOS 18:14 Referans Kwoze

SALMOS 144:6

Cambac relampahuan achicyachishpa manchachiyari. Canta piñaccunataca rayocunata shitashpa upayachiyari.

HABACUC 3:11

Cambac flechacunaca achicyachinmi, cambac achic nicuc lanzapish ricurinmi, Intipish, quillapish shayarinmi.

ISAÍAS 30:30

Mandac Diosca sinchita rimashcatami uyachinga. Jatun poderyuc paipac rigratapish urai ricuchingami. Manchana paipac piñarishca ñahuihuanpish, tucuchic ninahuanpish, sinchi huaira tamyahuanpish, jatun rumi shina, runduhuanpish tucuchingami.

SALMOS 77:17

Puyumanta tamya urmashpami yacu jundarca. Jahua pachapish relampa jaguin nishpami urmarca.

JOB 6:4

Tucuita ruhuac Diospac flechacunami ñucapi yaicushca. Chai flecha venenotami ñuca almaca ubiashca. Diospac jatun manchaimi ñucahuan macanacucun.

JOSUÉ 10:10

Chaipimi Mandac Diosca amorreocunamanca israelcunata yallita manchana yuyaita curca. Chaimantami israelcunaca Gabaón pueblopica chugrichishpa, achcata huañuchirca. Bet-horón puebloman rina ñanta callpacpipish Azeca, Maqueda pueblocamanmi cati rishpa huañuchirca.

DEUTERONOMIO 32:42

Ñuca espadaca yahuarsapa tucungami. Huañushcacunapac, prezucunapac, jatun acchata charic ñucata piñaccunapac yahuarhuanmi cahuiringa.

DEUTERONOMIO 32:23

Yalli mana allicunahuanmi paicunataca yallita llaquichisha. Ñuca flechacunahuanmi paicunata tucuchisha.

NÚMEROS 24:8

Egiptomanta llucchimuc Diosca huagra shina fuerzasapami. Paita piñaccunataca huashicuc shinami tucui tucuchinga. Tullucunacamanmi tucui tucuchinga. Flechacunahuanmi huañuchinga.

SALMOS 21:12

Ashtahuanpish cambac arcohuan flechata ñahuipi shitashpami, paicunataca callpachingui.

JOB 38:35

¿Canchu relampacunataca maimanpish richun mandangui? ¿Cantachu chai relampacunaca: “¡Caipimi canchic!” ningacuna?

1 SAMUEL 2:10

Mandac Diosta piñaccunataca paillatacmi ñutuchishpa chingachinga. Paicunata llaquichingapacca jahua pachamantami tulun ninga. Tucui cai pachapi causaccuna ima ruhuashcataca Mandac Diosmi ricuchinga. Pai acllashca jatun mandaccunamanpish paimi yachaita cunga. Aceitehuan cahuishpa paipacllata ruhuashcacunataca paimi imatapish ruhuacllata ruhuanga» nirca.

JOB 37:4

Chai relampa tulun nishca quipaca paipac rimashcami uyarin. Pai rimashca uyaricpica relampa achic nicucpish mana jarcarinchu.

JOB 37:5

Diosca sumaimanatami tulun nic shina riman. Paica ñucanchic mana entendipac sumaimanacunatami ruhuan.

SALMOS 29:3

¡Mandac Dios rimashcaca yacu jahuapimi uyarin! ¡Sumaimana Mandac Dios rimashcaca manchana yacu jahuapimari tulun nishpa uyaricun!

SALMOS 29:7

Mandac Dios rimashcaca nina culun nicuc shinami llucshin.

SALMOS 77:18

Canca acapana huairapimi tulun nishpa uyarircangui. Cai pachatapish cambac relampahuanmi achicyachircangui. Allpapish manchaihuanmi chucchurca.

JOEL 2:11

Mandac Diosca paipac soldadocunapac ñaupapimi mandacun. Paipac soldadocunaca achcami. Pai mandashcacunaca llaquimi. Mandac Dios shamuna punzhapica, jatun llaquimi tiyanga. Chai jatun llaquitaca, ¿pitac apai pudingayari?