SALMOS 17:7 - Dios Rimashcata Quillcashcami

⁷ Canmi llaquichiccunapac maquimanta cambac alli maquihuan quishpichingui. Can yallita cuyashpa, sumaimanacunata ruhuashcata canpi shunguta churaccunaman ricuchiyari.

SALMOS 17:7 Referans Kwoze

SALMOS 60:5

Ñuca mañashcata uyashpa cambac cuyashcacunataca cambac alli maquihuan quishpichiyari. Ñuca mañacucta uyaiyari.

SALMOS 31:21

¡Mandac Diosca alli nishca cachun! Paica muyundita jatun pircashca pueblopica ñucata llaquishpami jatun mancharinata ruhuarca.

SALMOS 20:6

Mandac Diosca aceitehuan cahuishca paipac jatun mandacta quishpichic cactaca cunanmi yachani. Jucha illac jahua pacha cambac huasimantami, pai mañashcataca uyashpa, paipac alli maquihuan mishachishca.

ISAÍAS 41:10

Ñucaca cancunahuanmi cani. Chaimanta ama manchaichicchu. Ñucaca cancunapac Diosmi cani. Chaimanta ama manchaichicchu. Ñucaca cashcata ruhuashpami cancunapac tucui causaipi ayudasha.

SALMOS 44:3

Chai llactataca mana paicunapac espadahuan, mana paicunapac rigrahuan macanacushpachu japirca. Ashtahuanpish can cuyashcamantami paicunapac ñaupaman achiclla shamushpa, cambac poderhuanmi mishachircangui.

2 CRÓNICAS 16:9

Mandac Diosca alli shunguhuan allita ruhuashpa, paita cazuccunaman tucui imatapish ruhuashpa ayudangapacmi tucui cai pachata ricucun. Canca mana yuyaita charic shinami ruhuashcangui. Chashna ruhuashcamantaca cunanmanta pachami ashtahuan canhuan macanacungapac shamungacuna» nirca.

2 REYES 19:34

Ñucami cai pueblotaca cuidashpa quishpichisha. Ñuca shutita ricsichingapac, ñucata servic Davidta cuyashcamantami chashnaca ruhuasha” ninmi» nishpa cacharca.

ÉXODO 15:6

Mandac Dioslla, cambac alli maquica jatun poderyuc sinchi maquimi. Mandac Dioslla, cambac maquihuanmi piñaccunataca tucuchircangui.

HECHOS 2:33

Jesús causarishpaca, jahua pacha Diospac alli maquimanmi tiyacun. Chashnami Diosca pai cusha nishca paipac Espirituta Jesusman cucpi, paica ñucanchicman cachashca. Chaitami cunanca cancunaca ricucunguichic, uyacunguichic.

2 REYES 19:22

¿Pitatac mana alli nishpa rimarcangui? ¿Pitatac jatun tucushpa caparircangui? ¡Israelcunapac jucha illac Diostamari rimarcangui!

APOCALIPSIS 15:3

Chaipica Diospacta ruhuac Moisespac cantota, shinallatac Pactalla Ovejapac cantotapish cashna nishpami cantacurcacuna: «¡Tucui imatapish ruhuac Mandac Dioslla! Can tucui ima ruhuashcacunaca sumaimana jatunmi. ¡Tucui llactacunata Mandac Dioslla! Canca imatapish allita, shinallatac imapish cashcallatami ruhuangui.

SALMOS 78:12

Diosca Egiptopi tiyac Zoán pambacunapimi sumaimanacunata ñaupa taitacunaman ruhuashpa ricuchirca.

SALMOS 31:22

Ñucaca manchaihuan upayashpami: «Cambac ñaupamantaca anchuchishca cani» nishpami yuyarcani. Ashtahuanpish caparishpa mañacpica, uyarcanguimi.