SALMOS 17:10 - Dios Rimashcata Quillcashcami

¹⁰ Chaicunaca huira tapashca shungucunami. Jatun tucushpami imatapish rimancuna.

SALMOS 17:10 Referans Kwoze

1 SAMUEL 2:3

Ama sinchi rimaicunata rimaichicchu. Mandac Diosca tucuita yachac Diosmi. Ama cancunallatac alli cashcataca yuyaichicchu. Paimi ima ruhuashcatapish, pezac shina ricucun.

SALMOS 123:4

Cushilla causaccunaca burlashpami asincuna. Jatun tucushpa llaquichiccunaca millanayachincunami. Chaimantami ñucanchic almaca yallita shaicushca.

SALMOS 31:18

Cashcata ruhuac runataca jatun tucushpami, piñashpa maipish cachun camincuna. Chai llullaccunaca upayashca saquirichun.

SAN MATEO 13:15

Cai gentecunapac shunguca, rumiyashcami. Paicunapac ringripish tapashca shinami, ñahuipish huichcashca shinami. Mana chashna cacpica, ñahuipish ricunmanmi, ringripish uyanmanmi, shungupi yuyarishpa, ñucapacman cutirinmanmi. Ñucapacman cutiricpica, alliyachimanmi” nishcami.

2 PEDRO 2:18

Paicunaca yanga mapa rimaicunallatac caparishpa rimashpami, quiquin munashca mapacunata ruhuashpa, mana alli causaccunapuramanta cunanlla anchurishcacunataca cutin pandachincuna.

HECHOS 28:27

Cai gentecunapac shunguca, rumi shina sinchimi. Paicunapac ringrica tapashca shinami. Ñahuipish huichcashca shinami. Uyashpapish, mana uyashca shina, ricushpapish, mana ricushca shinami. Paicunapac shunguca ima alli yuyaita mana japinchu. Paicuna ñucapacman cutimucpica, ñucaca alliyachimanmi” nircami.

ISAÍAS 6:10

Chai quipaca gentecunapac shunguta sinchiyachingui. Ñahuihuanpish ama ricuchun, ringrihuanpish ama uyachun, paicunapac ringritapish, ñahuitapish huichcangui. Shungupipish yuyaita ama japichun, ñucapacmanpish ama cuti richun, ñuca paicunata ama alliyachichunmi chashnaca ruhuana cangui— nirca.

SALMOS 119:70

Paicunapac shunguca huira tapashca shinami rumi shungu tucurca. Ashtahuanpish ñucaca can mandashcacunahuanmi cushicuni.

JOB 15:27

Ñahui chingarictami huirayarca. Huicsa carapish huarcurishcami carca.

ÉXODO 15:9

Ñucanchicta piñaccunaca: “Cati rishpa japishunmi, paicunamanta quichushpa, chaupinacushpa cushicushunmi. Espadata llucchishpami, ñucanchic maquihuan tucuchishun” nircami.

ÉXODO 5:2

Shina nicpimi Faraonca: —Pai rimashcata uyashpa richun saquingapacca, ¿pitac Mandac Diosca? Mandac Dios nishcataca mana ricsinichu. Israelcuna richunpish mana saquishachu— nirca.

DEUTERONOMIO 32:15

Jesurunca yallita huirayashpa, huira tapashpa cashpami paita ruhuac Mandac Diostaca mana cazurca. Quishpichic jatun Rumi shina Diostaca mana chasquircachu.