SALMOS 16:7 - Dios Rimashcata Quillcashcami

⁷ Mandac Diostaca alli nishami. Paimi ñucataca sumacta riman. Tutacunaca ñuca yuyaipimi riman.

SALMOS 16:7 Referans Kwoze

SALMOS 73:24

Canca cunashpami ñucataca pushangui. Quipataca alli nishpami chasquingui.

ISAÍAS 50:4

Mandac Diosmi ñucataca shaicushca causaccunata samachichun yachachirca. Tucui tutamantami pai yachachishcata tucui shunguhuan uyachun ricchachin.

SALMOS 77:6

Tutacuna ñuca cantashcatami yuyarini. Chaita yuyarishpami ñuca shungupi tapurishpaca:

SALMOS 17:3

Canca ñuca shungutaca tucuitami ricushcangui. Tutapish ricungapac shamushcanguimi. Ñuca alli cacta, mana alli cacta taripashpapish, ima mana allitaca mana tarishcanguichu. Ñuca shimihuan cambac contra mana rimangapacmi yuyarircani.

SALMOS 63:6

Ñuca camapi siricushpapish canta yuyarishami. Tuta riccharishca horaspimi cantaca yuyarini.

SALMOS 42:8

Punzhapica Mandac Diosmi llaquic cashcata ricuchinga. Tutaca ñucami paita alli nisha. Ñucaman causaita cuc Diostaca mañacunillami.

ISAÍAS 48:17

Cancunata quishpichic, israelcunapac jucha illac, Mandac Diosca: «Ñucami cancunata Mandac Dios cani. Ñucami cancunapac allipac yachachini. Cancuna maita rina ñantapish ñucami ricuchishpa pushani.

ISAÍAS 26:9

Tucui shunguhuanmi tutapish canta yuyaricuni. Ñuca causai tiyashcacamanca tutamanta jatarishpami cantaca mañasha. Can llaquicpimi, cai pachapi causaccunaca cashcata ruhuashpa causanata yachacun.

PROVERBIOS 8:14

Cunanapish, allita yuyarishpa yachac canapish ñucapacmi. Allita yachac canapish, sinchi canapish ñucapacmi.

SALMOS 119:55

Mandac Dioslla, cambac shutitaca tutacunami yuyarircani. Can mandashcataca cazurcanimi.

JEREMÍAS 17:10

¡Mandac Dios ñucami tucui shunguta ricushpa, imata yuyacushcatapish yachani! ¡Paicuna ima shina causashca shinallatac, imata ruhuashca shinallatac cungapacmi chashnaca yachani!» ninmi.

SAN LUCAS 6:12

Chai punzhacunapimi Jesusca Diosta mañangapac urcuman rirca. Chaipica tucui tutami Diosta mañarca.

APOCALIPSIS 2:23

Paipac huahuacunatapish huañuchishami. Chashna ruhuacpimi tucui tandanacushca criccunaca paicunapac yuyaitapish, shungutapish ñuca yachac cashcata yachac chayangacuna. Tucuimanmi imata ruhuacushca, shinallatac japina cashcata cusha.

SALMOS 119:7

Cashcata ruhuac cambac shimicunata yachacushpaca, tucui shunguhuanmi canta alabasha.

SALMOS 119:148

Can mandashcacunata yuyaringapacmi, tutacunapish mana riccharina horaspi riccharircani.

SALMOS 77:2

Llaqui punzhapica Diostami mashcani. Tutapish maquita huichai alzashpami, mana shaicushpa mañani. Ñuca almaca mana cushicurcachu.

SALMOS 22:2

Ñuca Dioslla, punzhacuna mañacpica mana uyanguica. Tutacuna mañacpipish mana samachinguica.

JEREMÍAS 12:2

Can tarpucpica, sapiyashpa huiñashpami, granota pucurca. Paicunaca shimillahuanmi cantaca alli nincuna. Ashtahuanpish shunguca canmanta carupimi.

SALMOS 73:21

Ñuca almaca yallitami llaquirirca. Ñuca shungupish tucsicuc shinami nanarca.