SALMOS 15:3 - Dios Rimashcata Quillcashcami

³ paipac calluhuan mana pita llaquichic, shuccunata ima llaquita mana ruhuac, paipac vecinota mana piñachicmi chaipica causanga.

SALMOS 15:3 Referans Kwoze

ROMANOS 13:10

Cuyacca, mana shuccunata llaquichinchu. Cuyaita charicca Dios mandashcacunatami tucuita pactachin.

SANTIAGO 4:11

Cuyashca criccuna, ama caishuc chaishuc huashalla rimanacuichicchu. Maijanpish shuc huauquita mana allichu nishpa rimashpa, mana cashpaca juchanchishpaca, Dios mandashcatami mana alli nishpa juchanchin. Mandashcata mana allichu nishpa juchanchishpaca mana cazushpami, juez shina tucungui.

SAN MATEO 7:12

Ima shinami shuccuna cancunaman allita ruhuachun ninguichic, chashnallatac cancunapish shuccunaman allita ruhuaichic. Chaitami Moisés mandashcacunapipish, Dios ima nishcata huillashcapipish nicun.

LEVÍTICO 19:16

Cambac llactapi ama huashalla parlashpa puringuichu. Pitapish piñashpa, ama huañuchina yuyaihuan puringuichu. Ñucami Mandac Dios cani.

3 JUAN 1:11

Cuyashca Gayo, chashna mana alli ruhuaccunataca ama catinguichu, ashtahuanpish allita ruhuaccunata catingui. Maijanpish allita ruhuacca Diospacmi, ashtahuanpish mana allita ruhuacca Diosta mana ricsinchu.

ROMANOS 1:30

Shuccunata mana alli nishpa rimancuna, Diostapish piñancuna, pitapish yangapi churashpa rimancuna, jatun tucuncuna, pi mana ruhuashca millaita ruhuancuna, taita mamata mana cazuncuna,

ISAÍAS 56:2

Chaita pactachic runaca cushicuchun. Samana punzhatapish mana yangapi churashpa, millaita ruhuanamantapish jarcarishpa causac runaca yallita cushicuchun.

PROVERBIOS 25:3

Jahua pacha maicaman cactapish, cai pacha maicaman ucu cactapish, jatun mandaccunapac shungu imata yuyacushcatapish pi mana yachai pudinchu.

PROVERBIOS 22:10

Burlashpa asic runata llucchishpa cachacpica, piñanacuica chiriyangami. Piñanacushpa rimarinapish, pingaichinapish tucuringami.

TITO 3:2

pitapish mana allichu nishpa ama rimachun, pihuanpish mana piñanacushpa, caishuc chaishuc-huan apanacushpa, cuyac shunguhuan cachuncuna yuyachishpa yachachingui.

ROMANOS 12:17

Maijan cancunata mana allita ruhuacpica, ama cancunapish chai shinallatac ruhuaichicchu. Chaipac randica, tucuipac ñaupapi alli caichic.

1 SAMUEL 24:11

¡Riqui, ñuca taitalla! Cambac jahualla churanata ashata pitishcataca ñuca maquipimi charicuni. Shina pitishpapish cantaca mana huañuchircanichu. Cunanca ñuca mana millai cashcatapish, canta huañuchingapac mana mashcacushtapish canllatac ña yachanguimi. Ñucaca ima juchata mana ruhuashcanichu, ashtahuanpish canmari ñucata huañuchisha nishpa mashcashpa puricungui.