SALMOS 149:5 - Dios Rimashcata Quillcashcami

⁵ Paipaclla causaccunaca Diospac sumaimana cashcahuanmi cushicunga. Chashnami paicunapac camapi cashpapish, paipac shutita cushicushpa cantangacuna.

SALMOS 149:5 Referans Kwoze

JOB 35:10

Ashtahuanpish paicunaca: “¿Ñucata ruhuac Diosca maipitacyari? Paica tutapish cantachunmi cushichirca.

SALMOS 42:8

Punzhapica Mandac Diosmi llaquic cashcata ricuchinga. Tutaca ñucami paita alli nisha. Ñucaman causaita cuc Diostaca mañacunillami.

1 PEDRO 1:8

Cancunaca Apunchic Jesucristota mana ricushca cashpapish cuyanguichicmi. Cunan mana ricushpapish paita crishpami, yallita sumaimana cushicuita charinguichic.

SALMOS 145:10

Mandac Dioslla, tucui can ruhuashcacunami cantaca alabangacuna. Cambaclla causaccunapish cantaca alli ningacunami.

SALMOS 118:15

Cashcata ruhuaccunapac carpa huasipica cushicuihuan cantashcapish, quishpichishcamanta rimashcapish uyarinmi. Mandac Diospac alli maquimi yallita mishacun.

ROMANOS 5:2

Shinallatac Apunchic Jesucristota crishcallamantami Dios cuyashca, cushilla causacunchic. Shinami Diospac sumaimana mandanata cushicushpa shuyacunchic.

SALMOS 132:16

Shinallatac curacunamanca quishpirishca churanatami churachisha. Diospaclla causaccunaca cushicushpami caparingacuna.

SALMOS 92:2

Can llaquic cashcata tutamanta huillana, can cashcata nic cashcata tuta huillanaca mai sumacmi.

SALMOS 23:1

Mandac Diosmi ñucata michic, ñucapacca ima mana illangachu.

2 SAMUEL 6:15

Chashnami Mandac Diospac Arcataca Davidpish, tucui israelcunapish cushilla caparinacushpa, cornetapi tocashpa aparca.

DANIEL 7:22

Chashna cacpimi, Yuyac Runa shamushpa Diospaclla caccunaman cashcata ruhuarca. Chashna ruhuacpimi, Diospaclla caccuna mandanata japina punzha chayamurca.