SALMOS 149:4 - Dios Rimashcata Quillcashcami

⁴ Mandac Diosca pai acllashcacunahuanmi cushicun. Yangalla gentecunataca quishpichishpami sumacta ruhuanga.

SALMOS 149:4 Referans Kwoze

SALMOS 147:11

Mandac Diosca paita manchaccunahuan shinallatac pai llaquichun shuyaccunahuanmi cushicun.

1 PEDRO 3:4

Chaipac randica cancunapac ucu shungumantatac allichirishpa, mana piñaric, alli shungu caichic. Chashna allichirishpami, Diospac ñaupapica huiñaita mai alli nishcacuna canguichic.

SALMOS 35:27

Ashtahuanpish manapish faltayuc ñucata misaccunaca cushicushpa cantachun. Punzhanta paicunaca: «¡Mandac Diosca jatunmari, paita servictaca sumacta causachunmi munan!» nichunlla.

SALMOS 132:16

Shinallatac curacunamanca quishpirishca churanatami churachisha. Diospaclla causaccunaca cushicushpami caparingacuna.

SALMOS 22:8

«Chaicunaca Mandac Diospimi shunguta churac carca. Pai cuyashcami cani niccunami carca. Shina cacpica Mandac Diosllatac quishpichichun. Paillatac llaquimanta llucchichun» nincunami.

SOFONÍAS 3:17

Mandac Diosca cancunapac chaupipimi. ¡Paica quishpichingami! ¡Paica yallita poderyuc Diosmi! Paica cancunamanta yallita cushicungami. Paica cuyacmi, cushicushpa cantangami.

JEREMÍAS 32:41

Ñucaca paicunaman allita ruhuashpami cushicusha. Cai llactataca tucui shunguhuan, tucui almahuanmi tarpuc shina churashpa, maita mana cuyuchipacta ruhuasha.

SALMOS 117:2

Paica yallita llaquic cashcatami ñucanchicmanca ricuchishca. Mandac Diosca huiñaita cashcata nicmi. ¡Mandac Diostaca alabaichicyari!

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

PROVERBIOS 11:20

Mandac Diosca mana alli shungu runataca millanayachinmi. Ashtahuanpish allita ruhuashpa causac runahuanca cushicunmi.

SALMOS 90:17

Ñucanchicta Mandac Dioslla, cambac cuyaica ñucanchic-huan cashca cachun. Ñucanchic maquihuan tucui ima ruhuashcapish, ama yanga cachun. Tucui ima ruhuanapipish alli cashca cachun.

1 PEDRO 5:5

Chai shinallatac quipa huiñaicunapish, pushaccuna ima nishcata cazuichic. Mana jatun tucushpami tucuillatac caishuc chaishuc-huan cazunacuna canguichic. Diosca: «Jatun tucushcacunataca piñanimi. Mana jatun tucushcacunataca cuyanimi» ninmi.

HEBREOS 12:10

Taitacunaca asha punzhacamanllami llaquichic carca. Ashtahuanpish Diosca pai shina jucha illac cachunmi, ñucanchicpac allipacllata llaquichin.

APOCALIPSIS 7:14

Shina tapucpimi ñucaca: «Amito, canllatacmi yachangui» nircani. Shina nicpi paica: «Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacshashpa yuranlla tucushcacunami.

CANTARES 1:11

Cullqui botón churashca curi zarcillotami, canman ruhuachishun.