SALMOS 148:14 - Dios Rimashcata Quillcashcami

¹⁴ Paimi, pai acllashcacunapac mandanatapish sinchiyachin. Diosta tucui caticcuna paita alabachun. Israelcunapish, paicunapac cuchullapi causaccunapish paita alabaichicyari. ¡Mandac Diostaca alabaichicyari!

SALMOS 148:14 Referans Kwoze

SALMOS 75:10

Paimi millaita ruhuaccuna mandacucta chingachinga. Ashtahuanpish cashcata ruhuac mandactaca ashtahuanmi cushichin.

EFESIOS 2:17

Sumac apanacuita cuc alli huillaita pai apamushpami, Diosmanta carupi causac cancunamanpish, Diosmanta cuchullapi causaccunamanpish yachachirca.

DEUTERONOMIO 4:7

Ñucanchicta Mandac Diosca ñucanchic mañashcata uyangapac ñucanchic ladopimi. ¿Maijan shuctac llactatac ñucanchic Dios shina, mañashcata uyac diosta charingayari?

1 SAMUEL 2:1

Ana Diosta mañashpaca: «Ñuca shunguca Mandac Diospimi cushicun. Mandac Diosmantami ñucaca imatapish ruhuaclla cani. Can quishpichishcamanta cushicushpami, ñuca shimipish ñucata piñaccunata rimangapac pascarirca.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.

DEUTERONOMIO 10:21

Cancuna alli nina Diosmi. Paica cancunamantami jatun mancharinacunata ruhuarca. Chaitaca cancunapac ñahuihuanmi ricurcanguichic. Paica cancunapac Diosmi.

SALMOS 112:9

Pai charishcacunataca huacchacunamanmi chaupishpa cun. Cashcata ruhuanataca manatac saquinchu. Paica tucuipac ricsishca jatun nishcami canga.

EFESIOS 2:13

Shina cacpipish Cristo Jesus-huan shuclla tucushcamantami, cunanca pai yahuarta jichashcamanta Diosmanta carupi cashpapish, Diosman cuchuyashcanguichic.

SALMOS 149:9

Paicunata llaquichingapac quillcashca pactachun chashna llaquichichic. Chaimi paipaclla causaccunapacca mai cushicuna canga. ¡Mandac Diostaca alabaichicyari!

EFESIOS 2:19

Chaimanta cancunaca ña mana shuctac llactamanta shamushca shinachu canguichic, ashtahuanpish Diospaclla caccunapura cashcamantami Diospac huahuacunapura tucushcanguichic.

SAN LUCAS 2:32

Mana israelcunamanca, achicyachic luz shinami canga. Pai acllashca israelcunapacca mandacmi canga» nirca.

SAN LUCAS 1:52

Jatun mandaccunata mandanamanta anchuchishcami. Huacchacunatami jahuaman churashca.

JEREMÍAS 17:14

Mandac Dioslla, ñuca alli nina Diosmi cangui. Ñucata jambiyari. Can jambicpica, alli tucushatacmi. Quishpichiyari. Can quishpichicpica, quishpirishatacmi.

SALMOS 145:10

Mandac Dioslla, tucui can ruhuashcacunami cantaca alabangacuna. Cambaclla causaccunapish cantaca alli ningacunami.

SALMOS 92:10

Shina cacpipish canca sacha huagrata shinami ñucataca sinchiyachingui. Ashtahuan alli aceitehuanmi cahuishca casha.

SALMOS 89:17

Canmi sumaimanapish, sinchiyachicpish cangui. Can yallita cuyashpami ñucanchic mandanataca sinchiyachingui.

SALMOS 89:18

¡Mandac Diosca ñucanchic jarcarina escudomi! ¡Ñucanchic Jatun Mandacca israelcunapac jucha illac Diosmi!