SALMOS 146:7 - Dios Rimashcata Quillcashcami

⁷ Paica llaquichishca causaccunaman cashcata ruhuacmi. Yarcaihuan caccunaman caracmi. Mandac Diosca llaquipi causaccunata cacharichicmi.

SALMOS 146:7 Referans Kwoze

SALMOS 103:6

Mandac Diosmi llaquihuan causaccunamanca cashcata ruhuashpa, japina cashcata cun.

SALMOS 68:6

Diosmi shitashca huahuacunataca, familiahuan causachun churan. Prezu causaccunatapish cacharichinmi. Paita cariyaccunataca chaquishca allpapimi causachun churan.

ISAÍAS 61:1

Mandac Diosmi ñucataca aceitehuan cahuirca. Chaimantami paipac Espíritu ñucapica causan. Ñucataca llaquilla causaccunaman alli huillaita huillachun, shungu paquirishcacunata ayudachun, prezumanta llucchinata huillachun, carcelpi tiyacuccunaman paicuna llucshina chayamucushcata huillachunmi cacharca.

SAN LUCAS 4:18

“Ñucaca Diospac Espirituhuanmi cani. Diosca huacchacunaman alli huillaita huillachunmi ñucataca acllashca. Shungupi llaquilla causaccunata alliyachichunmi cacharca. Prezucunata cacharinata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunmi cacharca.

SALMOS 10:18

Allpallamantac ruhuashca runa ama llaquichishpa catichunmi taita mama illac huahuacunatapish, llaquichishca causaccunatapish ayudashcangui.

SALMOS 142:7

Cambac shutita alli ningapac prezumanta ñuca almata llucchiyari. Can ñucaman allita ruhuacpimi, cashcata ruhuaccunaca ñucata muyungacuna.

HECHOS 16:26

Chashna mañacucpimi, cungailla allpa chucchui callarirca. Chaimantami cárcel pungucunapish, huatashca cadenacunapish pascarirca.

HECHOS 5:19

Chashna churacpipish, Dios cachashca ángel tuta shamushpa, cárcel punguta pascashpa, paicunata llucchishpaca:

SAN LUCAS 9:17

Tucui gentecunami mana nicta micurca. Paicuna puchuchishcataca, chunga ishcai taza jundatami tandarca.

SAN LUCAS 1:53

Yarcaihuan caccunamanca, allicunatami achcata carashca. Chayuccunataca, chushac maquitami cachashca.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

JEREMÍAS 31:14

Curacunatapish, ñuca acllashcacunatapish alli micunata cushpami cushichisha» ninmi.

ISAÍAS 9:4

Canmi paicunapac llashac yugota paquircangui. Hombrospi cac caspitapish, paicunata llaquichina varatapish paquircanguimi. Madián llactata tucuchic shinami tucuchircangui.

SALMOS 136:25

Tucui causaccunaman micunata carac Diosta alabaichicyari. ¡Paica huiñaita llaquicmi!

SALMOS 72:4

Gentecunapurapi llaquilla causaccunataca allita ricushpami mandanga. Huacchacunapac huahuacunata quishpichishpami, llaquichiccunataca sarunga.

SALMOS 12:5

Mandac Diosca: «Huacchacunataca yallitami llaquichincuna. Imata mana chariccunapish quishpichichunmi caparishpa mañancuna. Chaimantami cunanca quishpichigrini» ninmi.

SALMOS 9:16

Mandac Diosca cashcata ruhuashpami paipac shutitaca ricsichirca. Ashtahuanpish millaita ruhuaccunaca shuccunata urmachingapac paicunallatac ruhuashca tucllapimi urmarcacuna.

SALMOS 35:10

Chaimantami ñuca tullucuna cushicushpaca: «Mandac Dioslla, ¿Pitac can shina tiyanyari? Canmi llaquilla runataca paita yalli sinchi runacunapac maquimanta cacharichingui. Imata mana charictapish, huaccha runatapish llaquichic runapac maquimantami quishpichingui» ningacuna.

SALMOS 68:7

Dioslla, can acllashcacunataca shitashca pambatami ñaupashpa pushamurcangui.