Biblia Todo Logo
Bib sou entènèt

- Piblisite -




SALMOS 146:6 - Dios Rimashcata Quillcashcami

6 Diosca jahua pachatapish, cai pachatapish, mama cuchatapish, chaicunapi tucui tiyaccunatapish ruhuacmi. Paica huiñaita cashcata nicmi.

Gade chapit la Kopi




SALMOS 146:6
26 Referans Kwoze  

Pai huillashpaca: «¡Dios taripana punzhaca ñami pactamushca! Shina cashcamanta Diosta manchaichic, shinallatac paita alabaichic. ¡Cai pachatapish, jahua pachatapish, mama cucha yacutapish, shinallatac tucyacuc yacutapish ruhuacta alli nichic!» nirca.


Chaica Mandac Diosca allimi. Paica huiñaitami cuyacun. Pai ima nishcataca huiñaita pactachicungallami.


Ñucaca Mandac Diosmi cani. Ñucaca sucta punzhapimi jahua pachatapish, cai pachatapish, mama cuchatapish, chaipi tucui ima tiyashcatapish ruhuarcani. Ashtahuanpish canchisniqui punzhapica samarircanimi. Chaimantami ñucaca chai punzhataca bendiciashpa, ñucapacllata ruhuarcani.


Diosca paihuanmi jahua pachapi tiyac imacunatapish, cai pachapi tiyac imacunatapish, ricuipaccunatapish, mana ricuipaccunatapish, poderta charic mandac espiritucunatapish ruhuarca. Tucuitami paihuan ruhuashpa, paipaclla cachun ruhuarca.


“¡Jatun Mandac Dioslla, jahua pachatapish, cai pachatapish cambac rigrata chutashpami, cambac jatun poderhuan ruhuashcangui! Can Diospacca ima ruhuanapish mana sinchichu.


Imapish manarac tiyacpimi, Diosca jahua pachatapish, cai pachatapish ruhuarca.


Mama cuchapish paipacmi. Paimi yacutapish, chaquishca allpatapish paipac maquihuan ruhuarca.


Ñucaca: «Canca alli rumicunahuan huasichishca shina huiñaita llaquicmi cangui. Can cashcata nic cashcapish, jahua pacha shina sinchimi» nircani.


Dios paipac shutipi cusha nishcamanta, cashcata nic cashcamantaca, cushicushpa shuyashpa, pai huacaichichun munaccunaca cushicuitami japishcanchic.


shinallatac ñucanchic cushicushpa shuyacushca huiñai causaita chasquichunmi huillani. Chai causaitaca cashcata nic Diosmi cai pacha manarac tiyacpi ña cusha nirca.


Paica yallita llaquic cashcatami ñucanchicmanca ricuchishca. Mandac Diosca huiñaita cashcata nicmi. ¡Mandac Diostaca alabaichicyari!


Mandac Diosca rimashcallahuanmi jahua pachataca ruhuarca. Chaipi imalla tiyactapish, paipac samaihuanmi ruhuarca.


yaicushpaca: —¿Imapactac chashna ruhuashun ninguichic? Ñucanchicca cancuna shina runallami canchic. Ñucanchicca cai yangalla ruhuanata saquishpa, causac Diosman cutirichunmi, alli huillaita huillangapac shamurcanchic. Paica jahua pachatapish, cai pachatapish, mama cuchatapish, tucui ima tiyactapish ruhuacmi.


Paillahuantacmi Diosca tucuita ruhuarca. Mana paihuan ruhuashcaca imatapish mana tiyanchu.


Cancunataca jahua pachata cai pachata ruhuac Mandac Dios bendiciachun.


Chashna nicpimi Jesusca: —Dios quillcachishcapica: “Cancunami dioscuna canguichic” nicunmi.


Ñucata Mandac Diosta mañashpami, paiman juchacunata huillashpaca: “¡Mandac Dioslla, canca manchana jatun Diosmi cangui! Canta cuyaccunahuan, can mandashcacunata pactachiccunahuan ari nishcata pactachicmi cangui.


Israelcunata llaquishcatapish, pai nishcata pactachic cashcatapish mana cungarishcachu. Tucui cai pacha muyundipi causaccunami ñucanchic Dios mishachic cashcataca ricushca.


Shina cacpipish, Davidta llaquinataca manatac saquishachu. Cashcata ninatapish mana saquishachu.


Mandac Diosca paita cuyaccunatapish, pai mandashcacunata cazuccunatapish cuyac, pai ari nishcata pactachic, shinallatac cashcata ruhuac Diosmi. Chaitaca yachaichicyari.


Canca ñucanchic ñaupa taitacunahuan ari nishca shinami, Jacobopac huahuacunamanpish pactachingui. Taita Abrahamtapish llaquinguimi.


Swiv nou:

Piblisite


Piblisite