SALMOS 145:2 - Dios Rimashcata Quillcashcami

² Punzhantami alli nisha. Cambac shutitaca huiñaitami alabasha.

SALMOS 145:2 Referans Kwoze

APOCALIPSIS 7:15

Chaimantami Diosta mañana huasipi, Dios mandashpa tiyarinapac ñaupapi tutapish, punzhapish paipacta ruhuancuna. Mandashpa tiyarinapi tiyacucmi paipac carpa huasipi paicunataca huacaichinga.

SALMOS 71:6

Ñucataca mamapac huicsapi cacpiracmi cambac maquipi charircangui. Ñuca mamapac huicsamantapish canmi llucchircangui. Chaimantami canllata alabasha.

SALMOS 119:164

Cashcata can ruhuac cashcamantaca shuc punzhapi canchis cutinmi alabani.

SALMOS 72:15

Jatun mandacca causacungallami. Sabá llactamanta curitami cungacuna. Paimantaca Diosta mañacungallami. Punzhantami paita bendicianga.

1 CRÓNICAS 16:37

Davidca Dios ari nishca quillcata huacaichina Arca ñaupapimi Asafta, paipac huauquicunata, chaipi punzhanta imata ruhuana cashcata ruhuachun saquirca.

SALMOS 96:2

¡Mandac Diosta cantashpa paipac shutita alli nichicyari! Pai quishpichic cashcataca punzhanta huillaichicyari.

SALMOS 146:2

Ñuca causaipica Mandac Diostami alabasha. Ñuca causashcacamanca salmocunahuanmi Diostaca cantasha.