SALMOS 143:10 - Dios Rimashcata Quillcashcami

¹⁰ Canca ñuca Diosmi cangui. Cambac munaita ruhuanata yachachiyari. Cambac alli Espirituca alli ñanta pushachun.

SALMOS 143:10 Referans Kwoze

SAN JUAN 14:26

Chaica, Dios ñucapac shutipi cachagricuc Cushichic Espíritu shamushpami, tucuita yachachinga, tucui ñuca nishcacunatapish yuyachinga.

HEBREOS 13:21

Chai Diosllatac pai munashca shina allicunata ruhuachichun, cancunata yachachichun, Jesucristomanta tucui ñucanchicta paipac allipac ruhuachichun. ¡Apunchic Jesusca huiñai huiñaita alli nishca, sumaimana nishca cachun! Chashna cachun.

SALMOS 23:3

Paimi ñuca almataca sinchiyachinga. Paipac shuti alli nishca cachunmi alli ñanta ñucataca pushanga.

SALMOS 119:12

¡Mandac Dioslla, canca alli nishcami cangui! Can mandashcacunata yachachiyari.

NEHEMÍAS 9:20

Cambac sumac Espirituhuanmi paicunata yachachircangui. Maná nishca micunapish mana illarcachu. Yacunayaihuan cacpipish, yacuta curcanguimi.

1 JUAN 2:27

Jesucristo cushca Diospac Espirituca cancunapimi causacun. Diospac Espiritullatacmi tucui imatapish yachachicun. Pai yachachishpaca, mana llullashpa chashnatac cashcatami huillan. Chaimanta pi yachachictaca mana mashcanachu canguichic. Diospac Espíritu yachachishca shina, Jesucristohuan shuclla causaichic.

2 TIMOTEO 1:7

Diosca manchana yuyaita cuc espiritutaca mana cushcachu, ashtahuanpish poderta cuc, cuyaita cuc, shinallatac quiquinllatac jarcarina yuyaita cuc Espiritutami cushca.

ROMANOS 15:13

Diospac Espíritu crishpa, shuyana yuyaita yallita charichun, Diosllatac cushichishpa, crishpa cushi causaita cuchun. Diosca shuyana yuyaita cucmi.

SALMOS 140:6

Ñucaca Mandac Diostaca: «¡Canca ñuca Diosmi cangui!» nircanimi. Mandac Dioslla, ñuca yallita mañacuctaca uyaiyari.

SALMOS 31:14

Shina cacpipish, Mandac Dioslla, canpi shunguta churashpami: «Canmi ñuca Dios cangui» nircani.

ROMANOS 8:26

Ñucanchic irquiyashca cacpipish, Diospac Espiritumi ayudan. Ima shina Diosta mañanatapish mana yachanchicchu. Shina cacpipish, Diospac Espiritullatacmi llaquirishpa, ñucanchic mana rimaipac rimaicunahuan ñucanchicmanta mañacun.

ROMANOS 8:2

Chaica, Jesucristohuan shuc shinalla tucucpimi, Diospac Espirituca jucha mandashpa charinamantapish, huañuimantapish cacharichirca.

ROMANOS 5:5

Diosca paipac Espirituta cachashpami, ñucanchic shungupi cuyaita churashca. Chaimantami mana yanga shuyacunchic.

SALMOS 119:35

Can mandashcacunapi nishca shina pushaiyari. Ñucaca chaicunahuanmi cushicusha.

EFESIOS 4:30

Diosca juchapi huatashca shinamanta cacharichishpa pushana punzhacamanmi, Diospaclla cashcata ricuchishpa causachun, ñucanchictaca paipac Espirituhuan señalashpa chicanyachirca. Chaimanta millaita rimashpa ama Diospac Espirituta nanachichicchu.

ISAÍAS 63:14

Mandac Diospac Espiritumi pugru pambaman shamuc animalcunata shina michirca. Chashnami cambac shutita sumaimana cachun, can acllashcacunataca michircangui.

SALMOS 25:12

Mandac Diosca paita manchaccunamanca maijan ñanta acllachunmi yachachin.

EFESIOS 5:9

Achic luzca alli shungu canata, imapish cashcata ruhuanata, shinallatac mana llullac cana yuyaitami cun.

MIQUEAS 4:2

Achca llactacunamanta shamushpaca: “Mandac Dios causacuc urcuman rishunchic. Jacobopac Mandac Diospac huasiman jacuchic. Chaipimi alli ñanta purinata yachachinga. Shina yachachicpimi, alli ñanpi purishun” ningacuna. Sionmantami mandashcacunaca llucshinga. Jerusalenmantami Mandac Dios rimashcaca llucshinga.

SALMOS 139:24

Ñucaca millaita ruhuarcanichari, chaitaca ricuiyari. Chaicunata ricushpa huiñaita causangapac rina ñanta pushaiyari.

SALMOS 63:1

¡Dioslla, ñuca Diosmi cangui! Manarac achicyacpimi cantaca mashcarcani. Ñuca almaca yacunayaihuan shinami canta mashcan. Ñuca cuerpopish can yuyaillami. Yacunayachicuc chaquishca allpa shinami cani.

ROMANOS 15:30

Cuyashca criccuna, Apunchic Jesucristomanta, Diospac Espiritupac cuyaimantami ñucamanta Diosta mañachun mañani.

SALMOS 118:28

Ñuca Diosca canmi cangui. Cantami pagui nisha. Ñuca Dioslla, cantami jatunyachisha.

SALMOS 22:1

¡Ñuca Dioslla, ñuca Dioslla! ¿Ima nishpatac ñucallata saquinguiyari? ¿Ima nishpatac ñucamantaca caruyanguiyari? Quishpichiyari nishpa, ñuca caparishcataca, ¿ima nishpatac mana uyanguiyari?

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

ISAÍAS 29:10

Mandac Diosmi cancunamanca sueñuchic espirituta cacharca. Paimanta huillaccunapac ñahuitaca huichcarcami. Ima tucunata huillaccunapac umataca pañohuanmi taparca.

NÚMEROS 9:22

chishita puyu anchuricpica, ricllami carca. Puyuca maijan cutinca ishcai punzhata, shuc quillata, mana cashpaca shuc huatata Dios-huan tupana huasi jahuapi cacpica, israelcunaca maiman mana rishpami chaillapitac caclla carca. Ashtahuanpish puyu anchuricpimi, puri callari carca.

SALMOS 27:11

Piñaccunaca ñucata juchanchicunmi. Chaimanta Mandac Dioslla, alli ñanta pushashpa canhuan ima shina causanata yachachiyari.