SALMOS 141:6 - Dios Rimashcata Quillcashcami

⁶ Paicunapac juezcuna jatun rumi quingraipi shitashca cacpimi, ñuca rimashcaca alli cashcata ricungacuna.

SALMOS 141:6 Referans Kwoze

2 CRÓNICAS 25:12

Judá llacta soldadocunaca Seir llactamanta caishuc chunga huaranga soldadocunata causacta japishpami, rumi quingrai jahua pataman apashpa, singuchirca. Shina singuchicpica, tucuimi ñuturirca.

SALMOS 45:2

Tucui caricunamanta yalli sumacmi cangui. Cambac shimimantaca uyanalla shimicunami llucshin. Diosmi huiñaita chashna cachun bendiciarca.

1 CRÓNICAS 13:2

Chai quipami Davidca tucui tandanacushca israelcunataca: «Cancunaman alli cacpi, ñucanchicta Mandac Diospac munai cacpica, Israel llactapi saquirishca ñucanchic tucui huauquicunata, shinallatac paicunapac pueblocunapi, michina pambacunapi causac curacunata, levitacunata ñucanchic-huan tandanacuchun cayachun cachashunchic.

1 CRÓNICAS 12:38

Tucui cai macanacuc runacunami macanacungapac allichirishca, shuc shungulla Davidta tucui israelcunata jatun mandac cachun churangapac Hebrón puebloman rircacuna. Shinallatac caishuc israelcunapish, Davidta jatun mandac cachun churangapacmi shuc yuyailla tucurcacuna.

2 SAMUEL 23:1

David rimashca tucuri shimicunaca caicunami: Davidca Isaipac churimi, Dios allipi churashca runami. Jacobopac Diosmi paitaca, paipaclla cachun, aceitehuan cahuirca. Israelpurapica, sumacta cantacmi.

SAN LUCAS 4:22

Shina sumacta rimashcamantami, tucui uyaccunaca mancharishpa, Jesusmanta allita rimarcacuna. Chaimantami caishuc chaishuc tapushpaca: —¿Caica manachu Josepac churi?— ninacurca.