SALMOS 141:5 - Dios Rimashcata Quillcashcami

⁵ Cashcata ruhuac runa ñucata llaquichishpaca allimi canman. Shina cashpapish millaita ruhuaccunapac aceiteca ama ñuca umapi churashca cachun. Ñucaca punzhantami mana allita ruhuashcacunata piñashpa mañacushalla.

SALMOS 141:5 Referans Kwoze

ECLESIASTÉS 7:5

Mana entendic runacuna cantashcata uyanapac randica, alli yachac runa cunashcata uyanami ashtahuan alli.

APOCALIPSIS 3:19

Ñucaca tucui cuyashcacunatami rimani, shinallatac llaquichini. Chaimanta can juchayuc cashcamanta llaquirishpa Diosman cutirishpa, Diospaclla cai.

GÁLATAS 6:1

Cuyashca criccuna, cancunapuramanta maijan juchapi urmashcata ricushpaca, pai allichirichunmi Diospac Espíritu yuyaita cushca causaccunaca cuyac shunguhuan ayudana canguichic. Pacta canpish chai shina tucunguiman.

PROVERBIOS 25:12

Imatapish uyaclla, yachaisapa runata jarcashpa rimac runaca curi zarcillo shina, ashtahuan alli curimanta ruhuashca sumac huallca shinami.

PROVERBIOS 19:25

Burlashpa asic runata macacpica, mana yachac runapish cazunata yachacungami. Yuyaisapa runata alli tucuchun rimacpica, ashtahuanmi yuyaita japin.

PROVERBIOS 15:5

Yuyai illac churica taita cunashcata mana uyasha ninchu. Ashtahuanpish yuyaita charic churica cunashcata chasquinmi.

2 CRÓNICAS 25:16

Dios ima nishcata huillac shina nicpica, jatun mandacca: —Jatun mandacman alli yuyaita cuchunca, ¿pitac cantaca churarcayari? Canta ama huañuchichunca upalla cai— nirca. Shina nicpimi, cutinllatac Dios ima nishcata huillac runaca: —Alli yuyaita ñuca cushcata mana uyashpa mana allita ruhuashcamantami, Mandac Diosca canta tucuchinata yuyarirca— nirca.

PROVERBIOS 6:23

Chai mandashcaca lámpara shinami. Yachachishcaca luz shinami, cunashpa rimashcacunaca causaiman apac ñan shinami.

SALMOS 125:4

Mandac Dioslla, allita ruhuac chuya shungucunamanca allita ruhuaiyari.

SALMOS 51:18

Can cuyashcamanta Sión urcupac allita ruhuaiyari. Jerusalén muyundi pircata cutin shayachiyari.

SALMOS 23:5

Ñucata piñaccunapac ñaupapimi jatun micuipi tiyachircangui. Aceitetapish ñuca umapimi churarcangui. Ñuca copapipish tallirictami jundachircangui.

SAN MATEO 5:44

Ashtahuanpish ñucaca: Piñaccunata cuyaichic, shinallatac cancunata llaquichiccunamanta Diosta mañaichic ninimi

PROVERBIOS 15:22

Mana tapunacushpa imata ruhuashcaca, chingarinmi. Ashtahuanpish taucacuna yuyaita cushcaca allimi ruhuarin.

LEVÍTICO 19:17

Shuccunata ama cambac shungupi piñanguichu. Ashtahuanpish maipi pandaricushcata ricuchishpa cunangui. Mana cunashpaca juchayucmi tucungui.

PROVERBIOS 12:1

Yachachishcata uyac runaca alli yachaitami cuyan. Ashtahuanpish cunashcata mana uyacca imatapish mana yachacmi.