SALMOS 14:6 - Dios Rimashcata Quillcashcami

⁶ Huacchacuna ima ruhuana cashcata uyashpaca burlancunami. Shina cacpipish huacchacunataca Mandac Diosmi cuidacun.

SALMOS 14:6 Referans Kwoze

SALMOS 9:9

Mandac Diosca llaquichishca causaccunata cuidacmi. Llaqui punzhacunapi cuidacmi can.

SALMOS 42:10

Ñucata piñaccunaca punzhantami: «¿Maipitac cambac Diosca?» nishpa tapuncuna. Chashna rimashpami, ñuca tullucunataca ñutuchic shina llaquichincuna.

SALMOS 4:2

Huañuclla runacunalla, ¿ima horascamantac imapish yanga llulla dioscunata mashcashpa, ñucata yangapi churanguichiclla? ¿Maicamantac yanga causaillata, llullanallata mashcanguichic?

DANIEL 3:15

Cunanca Cornetapi, flautapi, tamborpi, arpapi, salteriopi, zampoñapi, shinallatac shuctac tocanacunapi tocashca uyaricpi, ¿ñuca ruhuashca runaman ricchapac ñaupapi cumurishpa alli ningapac rinallachu canguichic? Chai horas cumurishpa mana adorashpaca rupacuc hornopimi shitashca canguichic— nirca.

EZEQUIEL 35:10

Mandac Dios ñucallatac Israel llactapi cacpipish canca: ‘Israel llactatapish, Judá llactatapish japisha’ nircanguimi.

SALMOS 142:5

Chaimantami Mandac Dios canta mañashpaca: «Canmi ñuca shungu churanaca cangui. Canllami cai pachapica ñuca japina cangui» nircani.

SALMOS 46:1

Diosca muyundita jatun pircashca shina ñucanchicta cuidashpa huacaichicmi. Shinallatac llaquihuan cacpipish, utca ayudacmi.

SALMOS 40:17

Ñuca ima illaclla huaccha cacpipish, Mandac Diosca yuyaringami. Mandac Dioslla, ñucata ayudac, ñucata quishpichicmi cangui. ¡Mandac Dioslla, ama unayaichu!

SALMOS 3:2

Taucacunami ñucataca: «¡Diosca paitaca mana quishpichingachu!» nincuna.

HEBREOS 6:18

Dios paipac shutipi cusha nishcamanta, cashcata nic cashcamantaca, cushicushpa shuyashpa, pai huacaichichun munaccunaca cushicuitami japishcanchic.