SALMOS 139:7 - Dios Rimashcata Quillcashcami

⁷ ¿Cambac Espiritumantaca maimantac caruyashayari? ¿Cambac ñaupamantaca maipitac miticugrishayari?

SALMOS 139:7 Referans Kwoze

JONÁS 1:3

Shina nicpimi, Jonasca Mandac Diospac ñaupamanta miticushpa, Tarsisman ringapac jatarirca. Shinami Jope llactaman urai rishpa, Tarsis puebloman ric barcota japishpa, pasajeta randishpa, chai barcopi riccunahuan ringapac yaicurca. Paica Mandac Diospacmanta miticushpa ringapacmi barcopi tiyarirca.

JONÁS 1:10

Chai runacunaca Mandac Diospac ñaupamanta miticushpa ricushcata yachashpami, yallita mancharishpa: —¿Ima nishpatac chashna ruhuarcangui?— nirca.

HECHOS 5:9

Shina nicpimi Pedroca: —¿Ima nishpatac Mandac Diospac Espirituman llullanata yuyarircanguichic? Riqui, ñami canzha punguta cambac cusata enterraccuna yaicumucun. Cunan cantapish chashnallatacmi apangacuna— nirca.

JOB 22:13

Shina cacpipish canca: “¿Diosca imatatac yachanyari? Yallita amsapica, ¿ima shinatac taripangayari?