SALMOS 139:18 - Dios Rimashcata Quillcashcami

¹⁸ Chaicunata yupai callaricpica, tiyutapish yalli achcami ricuringa. Riccharishpapish canllahuantacmi cani.

SALMOS 139:18 Referans Kwoze

SALMOS 3:5

Ñucaca sirirircanimi, sueñurcanimi. Mandac Dios ñucata cuidacucpimi, cayandi riccharircani.

SALMOS 139:3

Ñuca maipi puricucpipish, sueñucucpipish tucuitami yachangui. Ñuca causaitapish tucuitami ricsingui.

SALMOS 40:5

Mandac Dioslla, ñuca Dioslla, jatun mancharinacunataca achcatami ruhuashcangui. Ñucanchicman allita ruhuana yuyaillami cangui. Can ruhuashca allicunaca mana yupaipacmi. Can tucui allicunata ruhuashcata cambac ñaupapi yupashpa huillasha nishpapish maita mana yupaipacmi can.

SALMOS 17:15

Ashtahuanpish ñucaca cashcata ruhuac cashcamantami cambac ñahuita ricusha. Ñuca riccharishpaca cambac ñahuita ricushpami mai cushicusha.

1 TESALONICENSES 5:10

Causacushpapish, huañushpapish paihuan pacta cachunmi, Jesucristoca ñucanchicmanta huañurca.

DANIEL 12:2

Huañushpa allpapi samariccunaca shuccunaca huiñaita causangapac, cutin shuccunaca huiñaita pingaichishca llaquita apangapacllami causaringa.

ISAÍAS 26:19

Cambac huañushcacunaca causaringami. Huañushca cuerpoca jataringami. ¡Allpapi samaricuccunalla, riccharishpa cantaichicyari! Garua tamyahuan muyu huiñac shinami, allpamanta llucshimunga. Cai pachaca huañushcacunata cutichingami.

SALMOS 40:12

Ñucataca mana yupaipac llaquicunami chaupinchishca. Millaita ruhuashcamantami cashna llaqui tucuni. Huichai ricunallatapish mana pudinichu. Llaquicunaca ñuca uma acchatapish yalli achcamari. Ñuca shungupish ña huañucunmi.

SALMOS 40:6

Animalcunata canman cushpa huañuchichunpish, ofrendata cuchunpish mana munanguichu. Juchacunamanta animalcunata cushpa, tucui rupachichunpish mana mañashcanguichu.