SALMOS 137:8 - Dios Rimashcata Quillcashcami

⁸ Chingarina Babilonialla, ¡ñucanchicta llaquichishcamanta chai shinallatac llaquichicca alli nishca cachun!

SALMOS 137:8 Referans Kwoze

APOCALIPSIS 18:6

¡Chai pueblotaca pai llaquichishca shinallatac llaquichichic! ¡Pai shuc cutinhuan llaquichishca cacpica, ishcai cutinhuan llaquichichic! ¡Shinallatac pai imata ruhuashcamantaca, chaupihuan yallita ruhuaichic! ¡Ubianatapish pai ubiachishcamanta, ishcai cutinhuan yallita chapushpa ubiachichic!

ISAÍAS 21:1

Mama cucha patapi tiyac shitashca pamba llaqui tucunamanta huillashcami: Shitashca pamba Neguevmanta acapana huaira shamuc shinami, manchana llactamanta shitashca pambata shamunga.

ISAÍAS 44:28

Ñucami mandac Cirotaca: “Canmi ñuca ovejacunata michingui. Ñuca tucui imata ruhuachun nishcatami ruhuangui. Jerusalenta cutin allichi nicpi, ñuca huasitapish shayachi” nicpica, chashnami ruhuangui» ninimi.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Diosca chai pueblotaca chashna llaquichishca.

ZACARÍAS 2:7

¡Sionlla, cunanca Babilonia llactamanta miticushpa llucshichicyari!

JEREMÍAS 50:1

Caldeocuna causana Babilonia llacta llaqui tucunamanta Mandac Dios huillac Jeremiasman huillachishpaca:

JEREMÍAS 50:29

Babilonia llactapi causaccunata llaquichingapac flechacunata shitanata yachaccunata, flechayuc runacunata tandachishpa, paicunapac muyundipi shayarichic. Shucllatapish causactaca ama saquinguichicchu. Paicuna mana allita ruhuashca shinallatac llaquichichic. Paicunaca israelcunapac jucha illac Mandac Diostami piñachirca.