SALMOS 137:3 - Dios Rimashcata Quillcashcami

³ Chaipi prezushpa llaquichiccunaca cantachunmi mañaccuna carca. Ñucanchicta llaquichiccuna cushilla cachun mañashpaca: «Sión cantocunata ñucanchicman uyachichic» niccunami carca.

SALMOS 137:3 Referans Kwoze

SAN LUCAS 21:6

Jesusca: —Tucui urmachishca, rumillapish mana pircashca saquirina punzhacunami chayamucun— nirca.

MIQUEAS 3:12

Chaimantami Sión llactataca tarpuna allpata shina yapunga. Jerusalenca rumita montón shinami tucunga. Diospac huasi urcupica sachami jundanga.

JEREMÍAS 26:18

«Judá llactata jatun mandac Ezequías mandacui huatacunapimi, Moreset llactamanta huillac Miqueas Judá llactapi tucui causaccunaman Dios huillashcata huillarca. Pai huillashpaca: “Tucuita Mandac Diosca: Sión urcuca tarpuna allpa tucushpami yapushca canga. Jerusalenca rumi montón shina, ñuca huasi shayacuc lomaca sacha urcumi tucunga” ninmi.

JEREMÍAS 9:11

Mandac Diosca: «Jerusalentaca rumi montón shinata ruhuashpami, chacal animalcuna causanata ruhuasha. Judá llacta llactacunataca llaquinayaita tucuchishami. Shuc runallapish chaipica mana saquiringachu» nirca.

ISAÍAS 35:10

Mandac Dios quishpichishcacunaca cushicushpami, Sión llactaman cantashpa yaicunga. Paicunaca huiñai huiñaitami cushicunga. Paicuna yallita cushicuihuan cacpica, ima llaquipish mana japingachu.

SALMOS 80:6

Ñucanchictaca ñucanchic vecinocuna mana cazushpa asichunmi saquishcangui. Ñucanchicta piñaccunaca paicunapurami ñucanchicta burlashpa asincuna.

SALMOS 79:1

Sumac Dioslla, shuctac llacta runacunami cambac llactata quichungapac shamushca. Cambaclla huasitapish mapayachishpami Jerusalén pueblotapish urmachishpa rumi montonta ruhuashpa saquishca.

SALMOS 65:1

Dioslla, canllami Sión urcupica alabashca cana cangui. Canman imata cusha nishcataca pactachishunmi.

SALMOS 9:14

Chashna ruhuacpimi, Sión pungupi canta alabana cashcata tucuiman huillashpa, can quishpichic cashcamantaca yallita cushicusha.

NEHEMÍAS 4:2

Chashna burlashpami, paipac ricsishcacunapac, shinallatac Samaria llacta soldadocunapac ñaupapi rimarishpaca: —Judá llactapi causac mana vali gentecunaca, ¿imatatac ruhuacuncuna? ¿Diosman animalcunata cushpa rupachichun saquingami yuyancunachari? ¿Chai jatun pircataca shuc punzhallapichu tucuchinga? ¿Rupachishpa montonashca rumicunahuanchu pircataca cutin allichingacuna?— nirca.

1 CRÓNICAS 16:7

Chai punzhapi, David punta cutin Asaftapish, paipac aillucunatapish Mandac Diosta cantachun mandashpaca:

ISAÍAS 51:11

Mandac Dios quishpichishcacunaca cutinllatacmi Sión llactaman cantashpa yaicunga. Paicunaca huiñaitami cushicunga. Paicunaca yallita cushicuihuanmi canga. Nanaipish, llaquipish, huacaipish illangami.

1 CRÓNICAS 15:27

Davidca linomanta ruhuashca ashtahuan alli churanata churashcami carca. Diospac Arcata apac levitacunapish, cantac levitacunapish, cantaccunata pushac Quenaniaspish chashna churanallahuantacmi carca. Davidca linomanta ruhuashca efodtapish churashcami carca.

PROVERBIOS 25:20

Llaquilla shungu runaman cantashpaca chiri punzhapi churanata quichushca shinami. Mana cashpaca chugri jahuapi vinagreta tallishca shinami.