SALMOS 136:5 - Dios Rimashcata Quillcashcami

⁵ Alli yuyaihuan jahua pachata ruhuac Diostaca alabaichicyari. ¡Paica huiñaita llaquicmi!

SALMOS 136:5 Referans Kwoze

GÉNESIS 1:1

Imapish manarac tiyacpimi, Diosca jahua pachatapish, cai pachatapish ruhuarca.

SALMOS 104:24

¡Mandac Dioslla, can ruhuashcacunaca mana yupaipacmi! Tucui chaicunataca allita yachac cashcamantami ruhuarcangui. Cai pachapica can ruhuashcacunami jundan.

JEREMÍAS 51:15

Mandac Diosca poderyuc cashpami cai pachataca ruhuarca. Yallita yachac cashpami cai pachataca maita mana cuyuchipacta churarca. Alli yuyaiyuc cashpami, jahua pachataca pañota tendic shina churarca.

SALMOS 33:6

Mandac Diosca rimashcallahuanmi jahua pachataca ruhuarca. Chaipi imalla tiyactapish, paipac samaihuanmi ruhuarca.

JEREMÍAS 10:12

Mandac Diosmi cai pachataca paipac maquihuan ruhuarca. Jahua pachatapish alli yachaihuanmi churarca.

GÉNESIS 1:7

Chashnami Diosca shuc parte yacutaca jahuaman, shuc parte yacutaca uraman chicanyachicta ruhuarca. Chashnami saquirirca.

GÉNESIS 1:8

Chai chicanyachictaca Diosca «Jahua pacha» nishpami shutichirca. Chashnami chishiyashpa, ishcainiqui punzha tucurca.

SALMOS 8:4

Chaita ricushpami ñucaca: «¿Runataca ima cacpitac yuyaringui? ¿Ima cacpitac huañuclla runataca ricungapac shamungui?» nirca.

SALMOS 134:3

¡Jahua pachatapish, cai pachatapish ruhuac Mandac Dios Sión pueblomanta canta bendiciachun!