SALMOS 135:21 - Dios Rimashcata Quillcashcami

²¹ ¡Mandac Diosca Jerusalenpimi causan! ¡Paica Sionmanta pacha alli nishca cachun! ¡Mandac Diosta alabaichicyari!

SALMOS 135:21 Referans Kwoze

SALMOS 134:3

¡Jahua pachatapish, cai pachatapish ruhuac Mandac Dios Sión pueblomanta canta bendiciachun!

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

SALMOS 128:5

¡Mandac Diosca cantaca Sionmantami bendicianga! Cambac tucui causaipimi Jerusalentaca alli cashcata ricungui.

SALMOS 76:2

Paihuan tupana huasica Salem pueblopimi tiyacun. Pai causana huasica Sionpimi can.

2 CRÓNICAS 6:6

Ashtahuanpish ñuca shuti chaipi causachunca Jerusalentami acllarcani. Ñuca acllashca israelcunata mandachunca Davidtami acllarcani” nishcami carca.

SALMOS 48:9

Sumac Dioslla, cambac huasipimi can llaquic cashcataca yuyarinchic.

SALMOS 48:1

¡Mandac Diosca paipac urcupi tiyac paipaclla pueblopica, yallita alli nishcami cana can!

NÚMEROS 23:21

Jacobopac churi israelcunapica ima juchata mana ricushcanichu. Ima millaitapish mana ricushcanichu. Mandac Diosca paicunahuanmi. Paitaca: “Jatun mandacmi cangui” nishpami caparincuna nirca.

1 CRÓNICAS 23:25

Davidca: «Israelcunata Mandac Diosmi pai acllashca israelcunamanca sumac causaita cushpa samachishca. Paica huiñaitami cai Jerusalenpi causanga.

ESDRAS 7:16

Tucui Babilonia llactapi japishca cullquita, curita, shinallatac israelcunapish, curacunapish quiquin munaihuan cushcata Jerusalenpi cac Diospac huasiman apangui.

SALMOS 48:2

¡Chai urcuca mai sumacmi! Jatun mandacpac pueblo jahua ladopi cac Sión urcuca cai pachapi causaccunapac mai cushicunami.

SALMOS 48:3

Chai pueblopi tiyac mandana huasipica Mandac Diosmi tiyacun. Paica tucuipac ricsishca samarina Diosmi can.