SALMOS 133:2 - Dios Rimashcata Quillcashcami

² Chashna causanaca, mishquilla ashnacuc aceiteta acchapi churacpi, barbas uraita ric shinami. Aaronpac barbas uraita tallirishpa, paipac churana puntacaman ric shinami can.

SALMOS 133:2 Referans Kwoze

LEVÍTICO 8:12

Moisesca Aaronpac umapi aceiteta tallishpami, Diospaclla curata ruhuarca.

ÉXODO 29:7

Quipaca aceitehuan Aaronpac umapi cahuingui. Chashna ruhuacpimi, ñucapaclla saquiringa.

PROVERBIOS 27:9

Aceitepish, mishquilla ashnacucpish shungutami cushichin. Shuc ricsishca cunashcaca caishuc runapac shungutami cushichin.

ÉXODO 39:24

Chai churana muyunditaca azul, morado, sani puca, lino puchcahuanmi granadata ruhuarca.

SAN JUAN 12:3

Chaipimi Mariaca achca valishca chaupi litro nardo nishca mishquilla ashnacucta apamushpa, Jesuspac chaquita cahuirca. Chaimantaca acchahuanmi chaquichirca. Chashna cahuicpica, tucui huasi ucumi mishquilla ashnacuc saquirirca.

CANTARES 1:3

Cambac shutica mishquilla ashnacucta tallishca shinami. Chaimantami carihuan manarac chayarishca solteracunaca cuyan.

SALMOS 141:5

Cashcata ruhuac runa ñucata llaquichishpaca allimi canman. Shina cashpapish millaita ruhuaccunapac aceiteca ama ñuca umapi churashca cachun. Ñucaca punzhantami mana allita ruhuashcacunata piñashpa mañacushalla.

ÉXODO 28:33

Chai túnica chaqui ladopica azul, morado, sani puca puchcahuan granadacunata huarcuchingui. Chai jahuapica muyundita curimanta ruhuashca campanillacunata churangui.

ÉXODO 30:35

Chaicunahuanca inciensota ruhuac runa shinallatac ñucapaclla chicanyachishca mishquilla ashnacuc inciensota, cachita churashpa ruhuangui.